بالفيديو: سعودي يكتشف خداع معارض الشارقة للسيارات وسبب إنخفاض أسعارها
أصبح الكثيرين من المواطنين السعوديين الباحثين عن شراء السيارات المستعملة أو الجديدة يفضلون شرائها من الإمارات، وخصوصاً في معارض الشارقة لإنخفاض أسعارها وتوفرها بمميزات عديدة و كاملة، ولكن لم يعلم الكثير منهم أنهم وقعوا ضحية تلاعب. وقد تمكن مؤخراً شاب سعودي من الكشف عن تلاعب أحد معارض السيارات الإماراتيه التي تقوم بإستيراد سيارات مثل “تويوتا كورولا” و”هايلوكس” بأقل فئه، ويتم إستبدال معظم أجزائها بقطع صينية لتحويلها إلى فئة premium.
وقد قام الشاب السعودي بتوثيق إكتشافه الخطير عن طريق تصويره بالفيديو وقام بنشره على مقطع التواصل الإجتماعي ” اليوتيوب” وقد ظهر في المقطع إزالة معظم أجزاء السيارة، وخاصة الداخلية، مثل تغيير المقود والمقاعد والكونسول الوسطي وحتى المرايا الخلفية، بالإضافة إلى تغيير بعض الأجزاء الخارجية. وعلى الرغم من أن هذا التلاعب بتحويل فئات السيارات لا يشمل جميع معارض السيارات الإماراتية، ولكن لابد من تقديم النصائح بالحذر حتى من بعض معارض السيارات السعودية بعد هذا الفيديو الذي يظهر تلاعب المعارض دون مبالاة وأمام أعين المواطنين.
شاهد أيضاً:
بالفيديو والصور: إنهيار جسر في الصين بعد إنفجار شاحنة ألعاب نارية قرب موقعه
الكويت: سجن رجل خمس سنوات بتهمة إهانة أمير البلاد على تويتر
تركيا تعتزم إجراء صفقة مع آبل بقيمة 4.5 مليار دولار لشراء 15 مليون جهاز آيباد لدعم التعليم
منذ 4 سنوات
يعني تبغون تقنعوني ان شركة تويوتا ماتدري عن هذا التلاعب في المواصفات؟ اكيد هي علي اطلاع وماعندها اي مشكله
بيض الله وجهك وكثر الله من امثالك .
من غشنا فليس منا
يا أخي والله انك هملق .. يعني ايش فيها اذا سار يعدلها لك بصناعه محليه ويعطيك اياها برخيص .. لازم يعني تأخذها بغالي وقطع يابانيه هذا اذا ما كانت صينيه بعد .. أنا أشوف انه المفروض اننا نشجع على هالصناعات علشان تكبر ويطلع مستواها ونفتح مصانع بدل ذا الياباني والاسترالي اللي متكسبين من ورانا .. حقيقة أنكم دائماً تحبطون الواحد من جد على اساس ان الياباني بيصنعها لك فل كامل من بدايتها يعني هي كل السيارات كذا تصنع استاندر ويتم التعديل فيها .. ولا علشان ابو هنود فك المرايه وركب ثانيه يعني صارت خلاص كخة وما تصلح ؟!
شالسالفة ؟
تعليقآآت مادري شتبي شدخلها بالموضوع .!
احس
ان فيه ناس ماتقرا الموضوع علطول دايركت يبي يكتب !
ابو جميل اسوأ من كدا شوفو المقطع حق جيزان لمن قعدو برضو بنفس الطريقه تقريبا يغيرو في اكثر من وانيت
فساد كل شي صاير فساد لارقيب ولا حسيب
ياجماعة الخير انتو ليش تضحكو على بعض ، الصين اكبر بلد مصنعة للعالم ايش يعني MADE IN CHINA.
على اساس انوا الكورولا والكامري واغلب التصنيع يكون في اليابان او في البلد المشهورة فيها تبقى غلطان.
انا زورت الصين (شنغهاي ، بكين ، جوانزو). أكبر مصانع العالم ومن ضمنها شركة أبل في الصين ياحبيبي حتى الايفون و الايباد اقراء من الخلف تلاقي كاتبين التركيب في الصين.
طالع في التلفزيونات والمسجلات تلاقيها اصبحت من الصين.
معلومة اخيرة : وزير الاقتصاد الصيني صرح قبل فترة انوا المنتجات الصينية التي تاتي في السعودية هي اسواء من المتطلبات السوق الموجودة عندهم وذلك رغبة بالمفجوع التاجر السعودي.
عشان كدا نحن نشوف الصيني ابو كلب عشان تجارك يطلبوا ارداء من الرديء في المواصفات.
المواطن السعودي مسكين وفقير وعلى قد حاله ويدور الرخص لذلك أصبح ضحيه ياليت حكومتنا تقدر وضعه وتخليه مايحتاج لافلان وعلان أرفع راسك أنت سعودي هههههههههههههه
بشري سارة للجميع الان هناك انتاج لبناني و مصري للسيارات و قريبا بقطر و السعودية و تبقي من الدار الي المالك مباشرة بدون وسيط
انا شخصيآ ما اعتبره عيب في السيارة ، المواصفات الفخمة فخمة ، سواء ركبها هندي ولا بنقالي ولا ياباني ولا فلبيني ، كلها نفس الشيء ، يعني لو تجيب لي سيارة فل كامل بـ 80 ألف ومركبينها في دبي ولا سياحية بـ 70 ألف وشد بلد ، بالعكس عطني الفل !! ما تفرق معي من ركبها
اذا تفكير الخليجي بفل كامل او استندر بدون ان يصنع بدون ان يفكر بأحوال العالم الاسلامي فلما الزعل والوعيل يا ابناء العويل
لماذا اليهود يعلمون نفاقكم ويعلمون غباءكم لانكم اناس تريدون ان تتمتعوا بالحياه والرفاهيه لا اسف عليكم الله سبط عليكم من يستنزف اموالكم بغير حق وتدعون المفهوميه انتم العار على الاسلام
ويلوووموووني في الامرريكي … من النهاية الماني + امريكي وارفع يدك عن الباقي .
شركة السعدي سورية(تابعة لـ عبداللطيف جميل) تقوم بنفس الشيء وليس بالمخفي بل بالعلن أمام نظر كافة رواد الصيانة.
في الامارات او السعودية اللي مايخاف من الله ماهمه حلال او حرام
ياجماعة الخير
أقسم بالله بأن شركة عبداللطيف جميل تسوي مثلها وأزيد والسيارات تدخل أغلبها ستاندر ويضيفو لها الإكسسوارات
تخيلو أن الهايلكس واللاندكروزر تدخل السعودية وماعليها حتى شريط في الجوانب ويرجعو يحطو لها الشريط
ويمكن حتى يعطوك من المخزنه عندهم موديل 2010 على إنه 2012
وأخوياننا اللي في الإمارات أكيد تعلمو من شركة عبداللطيف
وفوق كذا أسعار أغلى بأضعاف من قيمتها الحقيقية
سلملي على السيارات الكورية جودة ممتازة وسعر معقول جداً
وفوق هذا كله بدون غش عيني عينك
ياخيبة امل الغش غزى العالم واذاكان اخونا صادق ونحسن الظن به
الله يجزاه خير
ههههههههههه ومن قالكم ان ابو جميل مايسوسها
عمر قصدك سويها
يسويها
تمام
صوروا التلاعب عندنا أيضاً من الشريطية الى وكالات السيارات نكون ممنونين جدا
عبد اللطيف جميل يسويها في مصنع الخمرة في جدة ،،، قديمة قدييييييييييمة