الكويت: صرف رواتب لربات البيوت تقدر بـ7,311 ريال شهرياً
أعلنت وكيلة مساعدة للتنمية الإجتماعية في وزارة الشؤون الإجتماعية والعمل في الكويت (منيرة الفضلي) عن صرف رواتب ربات البيوت المتزوجات اللواتي بلغن 55 عاما وتنطبق عليهن الشروط بواقع 559 دينارا (7,311 ريال) لكل ربة بيت إن لم يكن لديها أي دخل آخر حتى لو كان زوجها يعمل وميسور الحال.. إعتباراً من بعد غد الإثنين. وقالت الفضلي حسبما “أن نحو 7 آلاف مواطنة (ربة بيت) تقدمن إلى الوزارة للحصول على الراتب، وأن الوزارة قامت بدراسة جميع الملفات، وتم قبول نحو7 آلاف مواطنة (ربة بيت) تقدمن إلى الوزارة للحصول على الراتب، وأن الوزارة قامت بدراسة جميع الملفات، وتم قبول نحو 90 في المئة من الطلبات، ورفض 10 في المئة منها لعدم إنطباق الشروط عليهن، ومنهن من يمارسن نشاطاً تجارياً من خلال رخصة تجارية بأسمائهن.
وأشارت الفضلي إلى أن من تتقاضى مساعدة إجتماعية ستمنح أيضا الراتب الشهري مخصوماً منه ما تتقاضاه كمساعدة، وكذلك المتقاعدات اللآتي يتقاضين رواتب أقل من 559 ديناراً سيحصلن على الفرق ليصل ما يتقاضينه وما يمنح لهن من راتب ربة بيت إلى المبلغ المحدد. وأضافت أن قانون المساعدات سيكون له مزايا عديدة فبدل إيجار المطلقة سيرتفع من 100 دينار ليصل إلى 150 دينارا والمطلقة التي لديها 5 أبناء وأكثر ستحصل على راتب 900 دينار (11,772 ريال)، موضحتاً أن هذه الأمور مجرد أمثلة بسيطة على ما يحتويه هذا القانون من مزايا عديدة ستكون بصف المحتاجين من هذا القانون الذي ستصدر لائحته التنفيذية الأسبوع المقبل.
منذ 4 سنوات
لا حبيبتي موظفه الحمدلله
واشوف واسمع والمشكله ان الموظفه تحاسب على الفلوس وتعرف قيمتها غير اللي مو موظفه وعارفه مجتمعنا كيف الا ام فلان سوت واختك سوت وهذي فعلت احنا حريم وعارفين هالحركات
انا ماقلت مافي الا في ونص لكن مو بالتعميم لو انتي تدوامين راح تعرفين قيمة الريال وانه ماينصرف الا بالشيء الصحيح وانا مااقول الخلل بالحريم بس بعد اذا في رجال بخيلين في حريم يصرفون زياده عن اللزوم لحب المظاهر وتقولك زوجي بخيل
زي وحده اعرفها قسمها غرفتين وحمام وعندها ولد واحد وجالسه بالبيت وتبي خدامه ويوم زوجها قالها لا قالت انت بخيل مع العلم انه مو مقصر عليها وماعرفت الماركات الا يوم تزوجته
العينات اللي في مجتمعنا تختلف
انا يا اختي موظفه وكل الكلام الي قلتيه صحيح ومن الواقع وانا معاك في كل كلمه قلتيها .. وصحيح انا ما انقهر الا من الي بيتها صغير وعندها طفل او طفلين وتبغى شغاله !!!! ومع اني موظفه ما تهمني الماركات ولا ادور عليها .. والمره العاقله تعيش على قد حال زوجها ولا تكلفه فوق طاقته … لكن البلاء في الي حواليها تطالع وتشوف وما تبغى احد احسن منها … سعدت بالحديث معك اختي
الحمدالله احسن من غيرنا اهم شي الاامن والاامان حتى و لوو ديرتي افضل بلد الله يكفينا شر العذال الي تبي تخرب ماعندهم الاالسعوديه ياالاجانب احمدو ربكم عايشين بسعوديه وبطلوو تدخلو وانشغلوا بي بلادكم وانفسكم الله يسلط عليكم وتستاهلوا يالكوتيات
ماشاء الله
ياعمى قال مشاكل الوضع فى الخليج خريان واعتذر على الفظ لكن شوف الفرق بين الدول بين الدول الخليجية مع شعبها واحنا حافز من سن 20 الى 35 والباقى مو مهمين + الفين ما تبل الريق مع غلاء المعيشة ومع ذالك احب بلدى السعودية وربى يحفظها ودوم الامان فيها ومبروووك لأخواتنا بالكويت
انتو طلعتوا الرجال كانهم حراميه بالعكس في رجال والنعم فيها مايخلي على زوجته قاصر يعطيها مصروفها الشهري وكسوتها لكن الحريم الله يهديهم مايشبعون يبون كل شي ونسوا ان في مصاريف سوبر ماركت وكهرباء وماي وتلفونات وغير الطلبات الخارجيه وغير هذا كله لو هو مع اهله بشقه تقوله طلعني بشقه بروحي او بيت يعني معليش في حريم ماترحم وفي رجال متكلين بس لا تعممون
يا اختي شكلك مو موظفه ولا ما كان هذا تفكيرك وبعدين احنا ما عممنا وتتكلمين وكانك مو عايشه في المجتمع ولا سامعه عن المشاكل الي سببها الراتب . وزي ما قلتي في رجال يعرف الي عليه ناحية اهل بيته وما يقصر معاها وبعضهم حتى وهي غير موظفه يحسب عليها القرش وما يعطيها المصروف الي يكفيها وبعضهم ربي مغنيه ومع كذا تصرف الزوجه على البيت ونفسها وعيالها وفوق كذا ياخذ من راتبها . وانتي بنفسك قلتي ( في رجال ) والنعم فيهم يعني معنى كلامك هذا انه في الجهه الثانيه ( في رجال ) من النوع الي يضيق على زوجته لحد ما ياخذ منها وحتى وهو مو محتاج .
اختي ام الابرق كلامك صحيح ١٠٠/١٠٠
وعندهااا فقط ستعترف المرأه بسنها الحقيقي .. وتطلب سلف من جارتها كم سنه تضيفها لعمرها عشان يصير المجموع ٥٥ سنه ههههههههههههههه
ومساكين اللي عندنا من عمر ٣٦ الى ٥٤ لا طالو عنب اليمن ولا بلح الشام لا حافز ولا رواتب للمتزوجات هههههههه
هم يضحك ^_^ وهم يبكي >_<
هذا القرار لو يطبقونه عندنا بيسبب مشاكل في بعض البيوت مثل ما سببه حافز بيطمع فيه بعض الازواج .. وبعضهم بيوقف عن الصرف على البيت وعلى زوجته ويخليها تصرف هي من راتبها. ويمكن يسبب لهامشاكل وياخذه ا … وبعضهم راح تخبي انها تاخذ الراتب دام حددوا العمر بتسير المسأله سريه .. ورغم من كل هالمشاكل المحتمل حدوثها يا ليت يطبقوه عندنا وتستفيد منه الارمله والمطلقه والمعلقه .ويا كثر العساكر الي ماخذ نشاط تجاري باسم زوجته يعني المسكينه بتنحرم من الراتب الا اذا كان زوجها حقاني ويعطيها بدل( اسم ) ….. بس اذا نفذ القرار عندنا لازم تنحل مشكلة الفساد عندنا حتى نضمن ان الراتب سيدفع شهريا … وبالكامل
الله يرزقنا من فضله
الله يستر عليهن
ثاني شي لا تقارن الكويت بالسعودية بالنسبة للحجم والفساد نسال الله السلامة
اللهم لاتحدنا الا على وجهك الكريم
بس من باب الاستغراب
دوله ماتجي ملئ كف ايدي وبترولها يعد على طرف اصابعي يصرفوا لربة البيت راتب شهري
وحنا الي بـ اغنا دوله المطلقه. والارمله فقط تاخذ من الضمان الاجتماعي 800 ريال على مابسمع او من الجمعيه الخيريه استغفر الله العظيم كائنهم بالصومال من زكاة الشعب
يصرف لهم رز وسكر وشاي وعلبه حليب
لا حول ولا قوة الا بالله
يارب دعوناك فستجب لنا
اللهم ديم علينا نعمتك ولا تحدنا الا على وجهك الكريم
ليت هذا الشي عندنا لا بعض الرجال عندنا الله يهديهم ما يعطون المره حقها بالكامل قال ايش قال عجوز انتي ما تحتاجين شي ولا روحي يم عيالك طيب الفلوس الي معك موفرها لمين زوجتك ايام شبابها تحملتك واصبرت عليك علي غثاك واخر شي هذا جزاها
اتمني مزمز يطلع تعليقي
تسلم ايدك ياقلبي