تم عرض مقطع فيديو قبل مدة على مزمز يظهر فيه شاب يطلق النار اثناء التفحيط في الرياض من هنا , والأن مرةً اخرى اطلاق نار مزدوج اثناء التفحيط وإستهتار بالأرواح والأنفس كل ذلك بلا رادع وبلا حسيب ولا رقيب وتظهر معلومات في مقطع الفيديو على اليوتيوب بأن قائد المركبة التي تم إطلاق النار منها اطلق على نفسه اسم ملك زمانة ( كنق النظيم ).
http://www.youtube.com/watch?v=dGt0RnZcO88
الله يكفينا شرهم
الاخ اللي يقول ان شاء الله نسمع ببخبر حادثك في عامود ونشوف المقطع
شكلك دعيت من قلبك واستجيبت دعوتك للاسف المفحط اللي بالمقطع صار له حادث وتوفى اللي معاه صدم بعامود من جهة الراكب وتوفى رحمة الله عليه واسمه كنق النظيم وهو اللحين بالسجن الله يفك اسره بس ياناس لاتدعون ادعولهم بالهداية انا في يوم من الايام مفحط مثلهم وهو ليس فخر يعلم الله اني ندمان لكن وش نسوي لافات الفوت ماينفع الصوت
والحمد لله الله تاب علي واتوظفت ومرتاح وملتزم بالصلوات على الرغم من اني انسجنت اكثر من مرة بسبب التفحيط وماتوا ناس بسببي رغم تحيراتي لهم بالبقاء بعيدا لكنهم طلعولي على الخط وماقدرت اسويلهم شيء ومع ذلك انا السبب الله يسامحنا ويغفر لنا
للتذكير انا اعرف هذا المفحط لكن بعد ماتبت انقطع التواصل بيني وبينه وهو رجال طيب وفيه الخير وان شاء الله يكون دخوله للسجن درس له ولغيره ويتوب
الله يجعله يموت ويريح العالم منه ومن اشكالهم هذولا عاله على المجتمع المشكله وين الامن نايمين كالعاده من امن العقوبه اساء الادب
الله يقويهم ان شالله
حنا اليوم يوافق اليوم الوطني قلت ابي اروح اتعشاء واغير جو
رحت ارقى وافخم مطاعم بالرياض ستيك هاوس و آوت باك و نينو وفابيانو كلها ممنوع دخول الشباب حتى جلسات الشباب قلبوا عائلات بالله وين اروح … ادرفت .. افحط .. اقعد بالثمامه .. ألحين المرأه تطالب بحقها بقياده السياره وحنا لا نستطيع ان نتعشاء بمكان راقي .. شي لايطاق
وش يحسون بوه الصراحة وش يسحون بوه قسم باللله اهبال موب صاحين …
احس فيه متعه في التنطيل والهيصه هذي
واحس كذالك اجرام
بس فيه شي اعجبن بالمقطع كله في الدقيقه 9:05 المصورين شوفوا وش لون يلفون بحركه سريعة وطريفة ايضاً وكذالك الـ AK (الكلاشنكوف ) ودي بواحد واحضر خشة وافجرهم جميعاً بدال مايموتون انفسهم انا اذبحهم بكل رحابه صدر امزح امزح والله انا مالي يالاسلحة موليه ماوطنهن << ماتلحظون اني بديت اقص قصة حياتي ههههههههه بس مجرد فضفضه على هالفجيرية ^-^
والله صرنا بزمن الله المستعان
ماعاد صار أي أحد يخاف على ارواح المسلمين
ليه تسون كذا في أنفسكم وتحرقين قلوب اهلكم واهل ارواح كثيرة
الله يهديكم بس
اسأل الله العظيم بان ينزل عليكم من الهداوه والصلاح
وينفع بكم بلادنا والمسلمين اجمعين
اللهم امين
طــــلق نــ،ـ‘ــار ,, لو ارهابيه كان قوموا الدنيا ,, ياناس ذا طلق نار اذا سكتت عليه الدوله بكره بتسير سرقات سرقة بنوك ,, بنسير زي بلاد برى ,, لا امن ولا امان ,, ومافيا ومحد يمشي في الشارع الا معه سلاح
انا ما راح اتكلم واتفلسف لان اللي اخبر واعلم مني ما قصرو ما اقول الى الله يهديهم ويصلحهم بس وبعض الاحيان ما الومهم صح انه استهتار وخطر بس بالرياض الواحد وين يروح صدق من قال خيرنا لغيرنا الله يحسن خاتمتنا بس قولو امين
لا مايحتاج نروح بعيد شوفو اخوننا بدول الخليج الامارت مثلا ماتدري يومك كيف يطير هناك من كثره اماكن الترفيه لدى الكل وليس الشباب فقط اذكر سالفه من ضمن السوالف المشابهه لها سافرو البحرين عشان يروحون سينماء وهم بلطريق صارلهم حادث والسبب يرجع للي يمنع دور سينماء عندنا واماكن ترفيه اجد منعت بسبب ملاقيف يدعون الدين والله طاش جابهم على حقيقتهم فعشان كداطاش حرموه خخخخ
لو بلحى كان طلع بالعربيه والجزيره والفرنسيه والبي بي سي انا ماقهرني الا المتفرجين الي واقفين على طرف الطريق ينتظرون جرف الى المقبره مثل الي قبلهم عقبال مانشوف بنات يفحطون ويطلقون النار!!
لزووووووووم نبلغ الشيخ بالسااااالفة>>>> يمكن ولد الشيخ معااااااهم لووووووووول
احنا ليش حارقين دمنا
خلوووهم يخففوون علينا شوووي يمكن المملكة تدبر لنا وظيفه هه
اذا هو باايع نفسه ورووحه واهله احنا ليش نحرق نفسنا عليهم ،، يلا ع الاقل نستمتع بالمقااطع ونتفرج ونقول الله لا يبلانا ،،
شكرا مزمز نبي مقطع ثااني من هذولي المهابيل ههه انبسطت عليهم بصراحه
أنا مألومهم … ياخي لا متنزهات لا نوادي لا وظايف لاشيء يشغل وقتهم …
جيت متنزهات عوائل … جيت نوادي ياخذ عليك 3000 في الشهر :( …
كانو الشباب يدورون في الحاره زمان بعد ماحطو ملاعب بلديه والله ماتلقاهم في الحاره … نجحو فيها … لكن غيرها سو متنزهات سو نوادي مجاناً
وإذا ماتبي سو على الأقل ساحه كبيره خاصه بالتفحيط برا الرياض ولا أماكن ماحد يجيها خله يطلع مافي نفسه هناك … بس بشرط شيل العمدان هههه :) …
اقسم بالله اني بعد مشاهدة الفيديو أشعر برغبة عارمة بالبكاء على شباب الامة
وين الحكومة والنظام عنهم …….. وقفت عندهم ….. فالحين بس فالمخالفات وساهر واي شي فيه غرامات …!!!!!
وهالمفحطين ما قدرتو عليهم والموضوع تطور لأطلاق نار وعصابات ……. هذه الظاهره لا تخلو من شيئين رئيسيين ( المخدرات واللواط ) واللي يقول طاقة مكبوته وشباب طفشانين غلطان لأن لو كان في طاقة مكبوته حلها العمل ويا كثر الوظايف فالمملكة وفرضنا لو ما في وظايف عشان طاقتهم اللي تقول يا خي لزق مكوتك فالبيت ولا تجيب لأهلك مصيبة !! اما الطفش يا روح ماما في نوادي رياضيه يا كثرها وعندك مقاهي وكافي شوب وغيرها رووح عن نفسك وقبل هذا كله المساجد فاضيه والقرآن مهجور يا شباب والدنيا زمن محدود والعمر مجهول والجنة والنار تنتظر …….. اركدوا وأصحوا يا غافلين ….. لا حول ولا قوة الا بالله
كل التعليق كوم ولزق مكوتك بالبيت كوم ههههههههههههههههههههه
الله يخلف علينا بسسس
والله ياشباب الشغل مو عيب العيب انك تحتاج الغريب او تحتاج ابو ك في مصاريفك او اوك الى متى بيظل ابوك يصرف عليك ع الاقل اشتغل في اي شغله توفر مصاريفك الشخصيه انا كنت عطالي اشتغلت او شغله ببسطه خضار احصل في اكثر شي 50 الى 80 ريال يوميا تعاملت مع مطاعم وصرت احصل في اليوم 200 اى 300 ريال وشتغل من سته الصباح حتى 9 مسا تعب لكن وفقني ربي في كسب الحلال وفتحت لي مغسله ملابس واجرتها ع اجنبي وبعدها شوي شوي كونت نفسي وفتحت محل دهانات والا الحمدلله رب العالمين اشتغل بشركه مقاولات راتبي 2500 والمحل والمغسله صار دخلي الشهري 6 الالف ريال احمد الله واشكره بدايه راس مالي 1500 ريال ياشباب اذا اصلحت النيه في كسب الحلال وارضا الوالدين فالله سبحانه وتعالى ماراح يخليك ويعينك ويحقق امانيك انصح كل عاطل لايوقف حياته بنفسه اما بنسبه للمفحطين ماقول الا الله يهديهم
شعب ملوش حل
لا حول ولا قوة الا بالله … بس الصراحة.. شباب مكبووت مليان طاقة ولا فيه مكان يصرف فيه طاقته وجنانه .. نزلوو الشارع و تصرفو .. وهم مليون بالمية عارفين ان تصرفهم غلط .. بس ما باليد حيلة الطاقة تجبرهم عـ كذا … تحياتي .
لا تخاف يجيبونهم دام الدعوى فيها سلاح
ومسوي فيها رجال بس لاجا وقت الجد يشخ على روحة من أتكفيخ
و أنت يا صحاب الموضوع تقول تم عرض مقطع فيديو قبل مدة على مزمز
كيف تم العرض على مزمز! يعني قصدك تم العرض على جبهة مزمز مثلاً هههه
لذا نرجو منك أحترام الشخص مزمز وعدم وصفة بمنصة العرض
بس والله طاره من جد من جد طاره
العـــــــب صح عليك ياطــارة
بس قهرني شييين يوم يطلق النار ويوم يفحط عند الترلات
الله يهديهم قسم روعني قلت الحين بيدخل في وحدة من الترلات
وبالاخير الله يهديهم كل ابوهم
اول شي اقدر شعوركم يالي كلكم رديتوا وتنتقدون .. انا استطيع ان احلف بالله واحطها بذمتي لو هالناس حصلت وظايف وحصلت ناس توجهم التوجيه السليم والصحيح والله العظيم ما تحصلهم بهالتهور والانحطاط والانعدام الخلقي (( لعيون نايف والخ )) وصدقوني والله انهم ضعوف وكثار اشكالهم في السجون ومن قالك يقتل وبكرا يطلع عطوني واحد قتل وطلع اليوم الثاني ؟ عيال شيوخ انصقت رقابهم ما قدروا يطلعون عيالهم وهذولي اغلبهم عاق والدين ولا محد داري عنه واغلب السيارت الي يفحطون بها يامسروقه يا مستأجره بقطه وحاله تعبانه انا اعرف هالاشكال زين .. مو محصلين وظايف واشياء تشغلهم مو محصلين احد يوجهم مو محصلين الا الدجه وعدم المباله .. ضحكوا علينا بنظام حافز ومدري وشو وخرابيط والله العظيم ان التوظيف انه اساس لحل اي مشكله .. تابعوا الموضوع من زاويه اخرى وتعرفون ليه يفحطون وررررررربي مو محصليييييين شي يشغلهم غير الدجه ومما ينالمون هذا لو ينعرض عليه وظيفه في المرور وربي ما يرفض الان لو تشوفون البزران الي متعسكرين وربي ما تضمنه على دجاجه من الشخص الي يفحط ومتقن للسواقه وربي يقدرون يصنعون ابطاااااااااااااااااال بس محد داري عنهم المساكين ولاحد داري عنا المساكين :)
اللي ينتظر الوضيفه فاشل وضعيف ومسكين يا اخي انت اللي اصنع لنفسك وضيفه دوور اشتغل اشقى اتعب تغرب يا أخي اقرب مثال الراجحي كان حمال الله يرحمه يااخي لو بديت بـ 1000ريـال بتنجح بس فكر وتعب والتوفيق من الله بس لازم العاطل هو اللي يحرك نفسه موب نايم ويبي الوضيفه تجي الى حده
( الحركه فيها بركه)
اللي يقول هذا صعب هذا ضعيف وفاشل
عط الله حقه
وادع ربك التوفيق
ودور شغله موب جالس عند امك وتدور وضيفه
سهر ونوم
اصنع لنفسك وضيفه
اعذروني عن الا نفعال
انا اشهد انك صادق بكل كلمه تقول
كلام جميل وعقلاني اخوي السمو
على طاري الشغل انا حصل معي موقف كان فيه وافد من الجاليه العربيه يشحذ وهو شاب فقلت له اتقي الله انت الان في عنفوانك و
قوتك ابحث عن عمل يغنيك عن الاخرين .
قال لي شغلني اي وظيفه قلت السوق قدامك وعطني رقم جوالك خذيت رقمه وخذا رقمي لعلي احصل احد يشغله اواحتاج له وبعدين
رحمته وعطيته مبلغ بسيط جدا ومشيت من عنده وبعد يومين الا الرجال يدق علي ويسلم ويشكرني ويدعو لي ولوالدي قال ياعمي
تصدق بالله المبلغ الي عطيتنيه رحت وشريت فيه بلونات اطفال ام
ريال وبعدين قمت ابيعها وكسبت دبل المبلغ خمس مرات ورجعت وشريت
وبعتها وكسبت فيها وصارت هذي شغلته حتى جمع مبلغ من المال
وغير نشاطه في شي اكبر ومازال الرجل في خير والان كل مايقدمني على احد يقول هذا سبب رزقي والرزق من عند الله سبحانه
فانا اقول وين شبابنا الي يبي اعمل يتحرك وربي انه افضل من الوظيفه البيع والمشترى مو سهر ونوم ودشره
وكلامك اخوي السمو عين الصواب
اصنع لنفسك وظيفه؟
very awful nothing to say about it, Are they seriously proud of what they have done. Stupid and harmful guys. Sorry guys for this comment, but that the truth
يالبييييييييييييييييييه يا هاجووس حراام بالله بالعضضضم بالعضضضم جبتها فديتك والله وفديت ردودك
وبنسبه للي بالمقطع ياخوي عطني الهوندا انا بخلصلي كم شغله ياخي حاكرت مخي انا محتاجها اكثر منك
والله انه ماراح يتوب الا اذا الله اهداه او صار فيه او في اللي معاه شي خشن بالسياره الله يحفظهم ويهديهم. واسألو مجرب. انا مجرب
وين الناس صح ياكنق محترف في قتل الناس انا ماعلي من الي يتجمهرون وينصدمون يستاهلون هذول بس الي يبي يمر من الشارع يجيك المفحط (البزر الورع ) ومسوي محترف ويشطف وشوي الا قاتل الرجال ويومين وهو طالع من السجن ويفحط لا تقولون وين المسؤولين عن هذول تراهم دارين اكثر مني ومنكم عن التفحيط ولا ويمكن تحصلهم مع المتجمهرين يتابعون بس مايبون يوقفونهم عشان مايطالبونهم بالوظايف ياخي المواطن السعودي الى متى وهو ينتظر الوظيفة كل الشعب يبي راتب ومكتب ومادري ايش من وين الحكومه بتوفر لكم وتقولهم اشتغلوا في مطاعم في محطات في اي شغلة يقولون والله اذا كرامتك تسمح روح اشتغل يعني انتم احسن من الرسول لمن اشتغل راعي بس خلهم يجون هنا ويشوفون الامريكان والله يمكن مافي محل صاحبه امريكي الا ويشتغلون فيه الامريكان مطاعم محطات بناشر الا المحلات الي اصحابها اجانب وهي قليل بس نص الي يشتغلون فيها امريكان بعد بس ماعد اقول الا ضيعوا شبابهم وضيعوهم المسؤلين ….. خليتوني اتنرفز واطلع الي بقلبي
قمة الأستهتار لاحول ولاقوة الابالله لو سوى حادث ياريته حيموت لوحده حتروح ارواح مالها ذنب الله يهدي عيال المسلمين….المفروض لما يمسكوه يقطعوه قهرني
ياليتني مكان راعي التريله بسس D:<
ان شاء الله المقطع الجاي يكون حادثه يخش في عمود هو والبهايم اللي معه ويسمونه شهيد العمود وينزلون مقطع الحادث في اليوتيوب عليه اغنيه غربيه خلنا نشوف من ينفعه في قبره وقتها عيال الشيوخ على سيارات ابوكلب وعيال القشطه يفحطون بمواتر تسواهم
ما اقول الى عاد عيدك يا وطن!!!!
شكلك دعيت من قلبك
الله يرحم اللي كان معه
اللهم اسألك الهدايه لشباب المسلمين اجمعين
امين امين
حنا لو نطبق نص تعليقاتنا كان صرنا من اول الدول المتقدمه
ادخل واقراء التعليقات والله ناس واعيه
بس للاسف مانشوفه الا بالتعليقات
والي يقول دور وظايف انا تعبت من شركه لا شركه وكلهم يقولون
رفعنا اسمك وانتظر اتصال وايست منهم ونشوف حافز لين الله يسهلها
والله يقول اتعب اشقا ياعزيزي ترا االشباب اغلبهم صغير سن يعني 17 عمره
مايعرف شي طالع من الثانوي توه وماتقبله الجامعه
ولا فيه شي يوجهه ولا ينتبه لنفسه الا اذا وصل عمر 25
تراهم صغار لكن ننتظر حافز يمكن يكون فيه الخير
سبحان الله ارواح الناس صارت لعبه الله المستعان