أصدرت الإدارة العامة للتعليم، بمنطقة مكة المكرمة، بياناً تعقيباً على مقطع الفيديو الذي أظهر سائقاً يقوم بضرب أحد الطلاب، وإنزاله من سيارة النقل المدرسي التابعة لإحدى المدارس الأهلية.
وقالت الإدارة في بيان وفقا لموقع «الوئام» : تابعت الإدارة العامة للتعليم بمنطقة مكة المكرمة ببالغ الأسف مقطع الفيديو الذي أظهر سائقاً يقوم بضرب أحد الطلاب، وإنزاله من سيارة النقل المدرسي التابعة لإحدى المدارس الأهلية،بشكل لا يليق، ويشكل خطورة على حياة الطالب في طريق عام يكتظ بالسيارات.
وأكدت الإدارة العامة للتعليم أن الحادثة وقعت يوم الخميس الماضي بطريق المدينة السريع، كما أنها لا تقبل ولن تقبل مثل هذه التصرفات المشينة والتجاوزات التي لا تمت للإنسانية بصلة تحت أي مبرر، كما أنها تثمن جهود المواطنين ممن وثقوا المقطع وأوقفوا السائق عن ممارسة استهتاره بالطلاب، ضاربين بذلك أروع الأمثلة في تطبيق اللحمة الوطنية، ومفعلين مقولة: إن المواطن رجل الأمن الأول.
وقد كانت الحادثة محل متابعة شخصية واهتمام وعناية مباشرة من قبل المدير العام للتعليم بمنطقة مكة المكرمة الأستاذ محمد بن مهدي الحارثي، الذي وجه بإجراء تحقيق فوري وعاجل في القضية، ومحاسبة السائق على ذلك التصرف الذي يتنافى مع مبادئ التربية والتعليم والإنسانية، والتي نتج عنها إلغاء عقد السائق من العمل في المدرسة فوراً.
كما وجه المدير العام للتعليم بمنطقة مكة المكرمة بزيارة الطالب في مدرسته من قبل مدير إدارة التعليم الأهلي والأجنبي عبدالله الشمراني، للوقوف على سلامة الطالب الذي يتمتع بصحة جيدة ولله الحمد، وكذلك لتهنئة ولي أمره بالسلامة.
وشددت الإدارة العامة للتعليم بمنطقة مكة المكرمة في بيانها أن حياة الطلاب وأرواحهم خط أحمر لا يمكن السكوت عنه، ولا قبول أي تصرف قد يهدد حياة أبنائنا الطلاب والطالبات، أو يؤثر على نفسياتهم سواء داخل المدرسة أو خارجها.
الولد راعي مشاكل والسائق قال انه قد اشتكي على الولد لكن دام ابوه جالس يدفع الاقساط المدرسه ما يهمها اذا كان مسبب ازعاح للسائق ويخليه يفقد القدره على القياده غير انه من غير المعقول انه كان راح يخلي الولد بالشارع اكيد كان يحاول يخوفه ويلف ويرجعله
السائق هذا مثال على من يستغلون سلطتهم, بس مع الأسف على أطفال مفروض يكون تعامله معهم أبوي, يعلمهم ويرحمهم, بس الله يعطي اللي فضحوه العافيه, دام فيه امثالهم فيه أمل. وتشكر إدارة التعليم على موقفها من الموضوع وطرد هذا الأحمق.
لايكفي الغاء عقد السائق مع المدرسة التي يعمل فيها.
يجب ترحيله من البلاد بعد سجنه بالحق العام وقبله فترة سجن لما لحق الطالب من اضرار مادية ونفسية ومعنوية.
وفي نفس الوقت ردعا للغير.
السائق سعودي كيف بترحله؟ وين؟ للربع الخالي ؟
هههههههه بس اتفق معك مفروض يسجن مده بسيطه تأديب وردع وعبره.
مع الاسف ما شفت الفيديو سابقا فتصورت انه وافد.
طيب هذا ذنبه مضاعف. كيف يعامل الاطفال بهذا الاسلوب !
لو كان الطفل ابنه فهل سيقبل ان يعامل هكذا !؟
قليل من الانصاف ومخافة الله يا ابو لحية كاذبه.
رحلوه على الربع الخالي كما انت كتبت … هههههههه
اهني الاخوان الكرام في تعاونهم على البر وكثر الله من امثالهم ، سائق الباص رجل معتوه وخائن للامانه اللتي اؤتمن عليه ، كيف يترك المراهق بالشارع ! الا يخاف عليه من الخطف ! الا يخاف عليه من الدعس ! ولكن من امن العقوبة اساء الادب !
شفتو حاط لحيه ينقال انه مطوع لازم نحل المشكله هذي سببو لنا تشويه بالاسلام دول اللي بره مثل كويت والامارات و عمان شخص اللي يربي لحيه تؤمن فيه انه ملتزم ورجل حكمه ودين وعندنا بسعوديه مكه ومدينه وللحين في عينه تربي لحيه عشان تنافق وتمشي امورها بالحياه
الشيعه يحطون لحيه ، اليهود يحطون لحيه ، الهندوس يحطون لحيه ، بس مايعني انهم صالحين ، والرجل مادعى انه مطووع فكيف عرفت ! وكيف عرفت انه منافق ! الظاهر انت عضو من عصابه حابل نابل .
خلونا نكون حقانيين ..الولد لو هو قاعد في مكانه وما يشاغب ومبهذل السواق ما تعصب عليه السواق ..انا معاكم إن تصرف السواق غلط يوم ضرب الولد ونزله .كان ممكن لا سمح الله يتاذى .ومو من حقه يمد ايده عليه ..هو في الفديو يقول كلمنا ابوه واشتكينا له من ولده وما في فايده .وواحد من الطلاب قال أول مره يسوي السائق كذا ولا مره ضربنا ..السائق يجب ان يحاسب والطالب يعاقب ..كل واحد اخطأ فيهم ..وما سالتوا باقي الطلاب او الطالب نفسه ليش ضربك ونزلك السواق ..دلعتوا العيال وما عاد يحترمون لا معلم ولا سواق .ما انكر ان السواق اخطا بردت فعله وبياخذ جزاءه ..لكن اسالوا هذا الصغير ليش طلعك من الباص ؟؟ .وش سويت ؟؟.
كلامك صحيح ولكن لو مات الطفل الشرع ماراح ياخذ بشهادة الاطفال وسائق بالباص ! ولكن راح ياخذ بالحقائق وان صحاب الباص اهمل امانته ! ترا مو لازم يشيل الولد من البيت او المدرسه اذا كان شقي .
انا قلت يا اخي ان السائق اخطأولازم يحاسب ..بس بعد الطالب لازم يحاسب من قبل اهله والمدرسه على ازعاجه داخل الباص .
هههههه والله اني قايل لك بالرد السابق كلامك صحيح ، وللان قاعد اقولك كلامك صحيح .
والتي نتج عنها إلغاء عقد السائق من العمل في المدرسة فوراً.!
يعني هذا الي قدركم الله عليه ؟!
هذا يبيله سجن شهر على اﻻقل ..وجلد حتى يتربى ويعرف كيف يرمي عيال الناس . . لكن من امن العقوبه اساء اﻻدب . بكره يتوظف سائق لطالبات او معلمات ويرميهن بالشارع ﻷنه لم يجد عقوبه تردعه.
وليش بيرميهن بالشارع ؟؟بدون سبب !!الطرفين لازم يتادبون ويعاقبون ان اخطأوا ..وليس طرف واحد فقط .
يعني مايحصل بالبلد من اكل حقوق للناس وتضييع لحقوقهم هو بسبب ! البطاله ! العنوسه ! الاختلاسات ! تاخير الترقيات والمكافأت للمستحقين ! هل هذا بسبب ! يااختي حلا الفساد لايحتاج لسبب لكي يطل علينا برأسه فهو موجود ويردعه النظام .
ياخي حتى لو الطفل مشاغب وشيطان والله مش من حقه يرميه في الشارع الباص مش باص ابوه هذي امانه ياخي شو هذي الناس المتخلفه الي بدون رحمه
ياخي يتخيل انه ابنه والله مابيرضاهاا
عيال الناس امانه في رقبتك ومسؤل عنهم
شين وقوي عين وبعد ينكر !
الناس شايفينه ومصورينه وكمان مصر على خطأه الوقح
فعلا لو كان ولدك مارميته .. اصلا منت كفو تصير أب ومربي
ناس ما تعرف تربي عيالها ويبون خلق الله يسكتون عنهم
لا تسكت عنة … و لكن مو تذبحة و ترمية بالشارع !!!
هذا طفل و فهمة على قدة و كلنا كنا اطفال و نحب الشغب و مقبول الشغب من طفل
و لكن ،،، المفروض من سائق الباص ابلاغ ادارة المدرسة او حتي ولي امرة على شغبة
مو يرمية بالشارع !!
طيب لو تعرض للخطف او الدهس من احدى السيارات المسرعة .. وش راح يكون ردة
لسؤال ولي امر الطالب !!؟ و الله ولدك مشاغب و ما عرفت تربية و انا ربيتة لك !!!؟
صدقني هاذي جريمة جنائية و توصل لحد القصاص … اولد الناس مو لعبة ….
إذا منت كفو لمسؤلية الطفل لا تشيله من المدرسه من البدايه
منت مجبور تربي اعيال خلق لله
الولد اعقل منك بمراحل ! يقول علم الوكيل علم المرشد علم ابوي ! اصحاب العقول براحه ! واذا كان السائق يتأذى من الطفل فليس بلزام ان يوصل الطفل فهو غير ملزم بذلك !
لا والله ؟؟؟؟؟ طفل لو قتل ما يحاسبونه اعوذ بالله منك و من اشكال السايق لا واسمك صانع السلام الله لا يكثر من امثالك .. طفل حتى لو تشاقى وكان قليل ادب ترميه في الشارع لو عندك اطفال مو متربييين ترضى احد يرميهم في الشارع ؟؟؟؟ الزم ما عليك تسلمه اهله و ترفض انك توصله من و الى المدرسة بس طالما انت وافقت على توصيل الطلاب هم امانه في رقبتك امام رب العالمين و امام الناس… الله يكثر من امثال الرجال اللي انتبه للطفل و يجزيه الخير دنيا و اخره