تداول رواد مواقع التواصل الاجتماعي مقطع فيديو لمعلمة احتفلت داخل مدرستها بطلاقها بعد ان أحضرت الحلى والعود الازرق “الطيب” وبعض اللافتات التي تعبر عن فرحتها مما اعتبرته هم وانزاح بحسب وصفها في مقطع الفيديو المتداول اليوم.
وكشف بعض نشطاء مواقع التواصل الاجتماعي تفاصيل الحقيقة حول مناسبة المقطع بأن مواطن خير زوجته المعلمة ما بين الطلاق أو الوظيفة مما اضطر المعلمة إلى تفضل الوظيفة على زوجها وقبولها بالطلاق ، حيث كشف مقطع فيديو الذي تم تداوله وجود الحلى والبخور واللافتات التي تبارك بالطلاق والتي كتب عليها ايضاً بعض العبارات مثل ” مايؤخذ طير وراعية صقار” وكذلك ايضاً “هم وانزاح” وغيرها من العبارات التي ظهرت في المناسبة التي باتت تكرر مؤخراً بشكل ملفت للأنتباه.
بنات هالوقت مو حقين زواج
تبغى تفطر في مطعم وتتغدى وتتعشى
وكل وقت تروح مقهى وتسهر على كيفها
مو حقين طبخ ولا أطفال ولا شغل بيت
من الأفضل الزواج من اجنبيات لان الوضع عندنا مزري
الحمد لله والشكر الناس تدور الستر والعفة وهذه تحتفل بطلاقها… ولافي
تقدير لزواجها كأنه لعبة باقي تحتفلين بأيش عقول فارغة..وهلكونا بنسبة الطلاق بالسعودية ساروا يتفاخرون
لا حول ولا قوة الا بالله’ وصلنا الى هده الدرجة؟؟؟
ياكثر مشاكل ذا المواضيع مايقدر يحلها الا ربك الواحد يصبر والوحده تصبر والله يلعن ابليس
هذة عادة عند بعض الشعوب العربية تحتفل المراة عند طلاقها لكن المشكله هنا الرجل هذا والله اعلم كان يدور سبب عشان يطلق وحتى لو استقالت سوف يبحث عن عذر اخر للطلاق لان وظيفتها لا تتعارض مع كونها ربة بيت ونصف الموظفات هنا ان لم تكن غالبيتهن معلمات ويعيشون حياة مستقرة لكن الحقيقه اذا انعدمت الراحة والاستقرار والتفاهم فالافضل لها الطلاق والكرامه المالية في هذة الحالة هي افضل اختيار بدلا من ان تصبر على حياة لا طاقة لها بها لا تجلب لها سوى الامراض النفسية والعضوية لها ولاسرتها والله يعوضها خير منه الحياة لا تتوقف عند رجل واحد ليس كل الرجال سواسية منهم من ينحط على الجرح يطيب وهذا ما تمناة كل امراة ومنهم من يحول الحياة الى جحيم لا يطاق فتظل طابرة علية فقط خوفا من ان يطلق عليها لقب مطلقة !!!
حسبي الله ونعم الوكيل …
زين سوت اختيار ممتاز تعبت سنين عمرها وهي تكدح وتدرس وتتوظف ..الوظيفه هي العصب وهي الحياه والرزق بعد الله ..بدال الزوج الف لكن الوظيفه ماتتعوض ..ربي يرزقها بافضل الرجال والذريه..
العمل مايجيب عيال ولايسد العاطفه مهما كانت نوعها ! حتى وان بنى بيت فاولاد الاخوان والاخوات هم من سيرثونه بعد وقت طويل .
،الجميع يمر بمشاكل والطلاق حل ولكن المشاكل ماعمرها خلت العمل اكبر اهميه من الزواج وانشاء بيت !!!
ماش يااختي انتي بالحيل شاطحه
طيب اذا الرجل مقصر في واجباته ولا ينفق عليها ويديها الريال بطلعت الروح .. ولما ربي رزقها بالوظيفه امعانا في قهرها خيرها بينه وبين الوظيفه اين الامان حتى تختاره ؟؟؟ رجل بهذه الاخلاق لايشوف نفسه الجوكر وما تقدر تعيش من غير وجهه .. لكن اذا موفر لها الحد الادنى من المعيشه .. وموفر الاستقرار النفسي لاسرته ما اعتقد انها راح تختار الوظيفه وتتركه ..
الله يبيض وجهك ويكثر من امثالك ، قضية الاتزان قد لاتتوفر في كثير من الناس سواء رجل او امرأه ، ومن تجربتي الشخصيه ولا اعممها كثير من الاشكالات مع الطرف الاخر تكون لعدم اتزانه .
عيب عليك عيب استح على وجهك ..رجل وش كبرك وش عرضك وتقول لحرمه غريبه عنك ولاتعرفها ولاتعرفك ولاتحل لك ..شاطحه.. حتى البزارين مايحاكون الحريم كذا .. لماتتكلم مع غريب خليك اديب ..
العيب اعرفه قبل لاتذكريني يابنت الناس وشاطح يعني بعيد عن الواقع او بعيد عن الحقيقه .
تعرفها وماادري ايش وتحل لك ؟ وش هالخرابيط هو انا قايلها كلام خادش للحياء او منتقص منها !
قرقر وفلسفه واجد مانبي .
اها طيب ماشي عيب عليك استح على وجهك الرجل المؤدب اللي يعرف الاصول مايحاكي الحريم بالطريقه هذي ويقول قرقر وفلسفه واجد مانبي كنه يحاكيها في بيته اخجل من نفسك شوي عيب عليك تعلم اسلوب الحديث والكلام ..وتخير الفاظ زينه ..
ولازال القرقر واجد
هلا ..معليش يااوخيتي باسمه فكرتك رجل طلعتي حرمه شفت كثرة تعليقاتس وكثرة هروجتس حياتس الله في قروب القرقره النسائي ..
ههههههه زوجتي تقول غير هالكلام
واللي يبي طولة اللسان يلقاها ، روحي لمي نفسك واحشمي نفسك اذا باقي بك شوية حشمه ، الحياء ماهو صفه للرجال بس الاكيد صفه للحريم وانتي ماتملكينها .
قصدتس رجلتس اها الله يعينا واياتس ياوخيتي شوفي مالتس الا الصبر يابنت الحلال
ماعندي نيه اتعب حالى بمناقشة ساقطه برجولتي ! وسواء قلتي ياوخيه والا ياخيه والا يااختي فما راح ازعل ، متعود على النابحات امثالك .
تعالي يابنت الحلال لاتروحين وشفيتس زعلانه وتهاوشين وحالتس حاله..وتقذفين ذا وتسبين ذاك هدي اعصابتس شوي لاحول ولاقوة الا بالله
هههههههه
انا بروح ارقد ولاصحيت اشوف باقي ردودك ?
امحق عاطله كنت مفكره انتس موظفه عشان كذا كنتي متحمسه في الموضوع واخترتي الزوج ..على الوظيفه الله يرزقنا واياتس
امحق طلعتي ربة بيت كنت امفكره انتس موظفه ماهي
مشكله عشان كذا فضلتي الزوج على الوظيفه ..روحي ارقدي الله يرزقنا واياتس
والله مادريتوا وين الله حاطكم من ارضه الواسعه عايشين مرفهين مادريتوا عن غيركم الضعوف الي من جد يتمنون الطلاق واذا هذي زوجها متخلف لدرجة انه حاول يحرمها من وظيفتها فهي محظوظه لانها تطلقت ، والف مبروك بعد
اكيد مادرينا ولا راح ندري بالجميع وقصصهم فهذه من صفات رب العالمين ولكن بالمقابل نسمع و نتناقل القصص لذا لاتتهم غيرك بالجهل لانك سمعت لك كم قصه اثرت فيك !
مسكينة مدري اهنيهة لو اواسيهة
انفكت بعض الرجال ياخذون المرة تشتغل
وبعد الزواج ايجلسوهة في البيت وتظل المسكينة
طول عمرهة تشحذ منة المصروف
على كولة المثل كسر ة خبز لا اتكسرين واكلي لما تشبعين
تخلف فعلا …
اتمنى تكون مقتنعه بقرارها
وربي يسهلهاالخير
بعضهم بس تكون فرحه مؤقته وبعدكم يوم تتحسف
اتمنى اي وحده تختارالطلاق تفكرمية مره من كل النواحي
وتستخيرالله
حصلت مع كم وحده تكون متحمسه وفرحانه واهلهاوبعض صحباتهايشجعوهاوبعدماكل وحده ترجع تنشغل باولادهاوزوجها
وهياتقعدلوحدهاترجع تبكي وتتحسروتقول استعجلت
اسأل الله ان يعينهاويعوضها
اخس ع اشباه الرجال
تزوجها وهي تعمل ليه يخيرها ؟!!!
بعدين اعتبر الشخص الي يخير زوجته بين امر او الطلاق
مب رجال ( وش الي يهدد ) والله عيب ماخذ بنت الناس
معززه مكرمه ليه تمارس الإذلال بغض النظر عن تصرفها
( حفلة الطلاق ) قرارها بإختيار وظيفتها صائب خاااااصةً
اذا مابينهم اطفال لكن فحال ان فيه اطفال كل شي يتغير،
خله يعض اصابعه ندم هلحين يوم انه مسوي يخيرها ياناس
الواحد يجلس مع زوجته اذا فيه مشكله ويوجدونلها حل
مع بعض اما انه بهمجيه اختاري !!!
الا اذا كان ماخذها وحاط فباله انه بيخليها تترك وظيفتها
هذي حقاره ما كثر فهديره الا البنات خذلك وحده مب
موظفه .
يااخي المقصله بعض الحريم تترك البيت والابناء وحتى الزوج وتهملهم بسبب العمل ! البيت لاتبنيه المرأه بالمال بل بالتربيه والرجل دوره توفير المال ولكن عندما تنعكس الايه فسيفشل الجميع لان المرأه ليس من طبعها الاعمال الشاقه والرجل ليس بمهيأ ان يتولى الاولاد وتربيتهم ، لذا الجنه تحت اقدام الامهات لما يجدونه من مشقه في تربية الابناء .
شكلها فلوس
لو توافق تزوجني و عندها العصم
ه
مادام ماتبي متوظفه ليه تتزوجها من البدايه.. لكن ربما هناك اسباب دفعت الزوج لتطليقها ..يمكن انها تتمنن عليه طول اليوم وتشوف نفسها انها معلمه وراتبها اكثر من راتبه .. لذلك الرجل ﻻيتحمل مثل هذه اﻻمور اﻻستفزازيه والتي تقلل من شأنه وتهين كرامته .. بالمختصر لا يصلح شخصين يصرفون في بيت واحد .. تصير حساسيه بينهم وحسد كل واحد يقول الثاني عنده فلوس ليه مايدفع ؟! وكل واحد يرمي المسؤليه ع اﻻخر وكل يوم هواش.. ولا اعمم على الكل
لكن اﻻغلب هذا مايحصل ونسمع ،ونصيحه فر من المتوظفه فرارك من اﻻسد .
والله ان الموظفه مسكينه ..راتبها ما هو لها (للسواق والخدامه واستقدام للخدامه وسفرها وعلاجها وطلبات العيال ولعبهم وملابسهم وتماشيهم ولا بغت شي للبيت تشتري من عندها حتى الاثاث واغراض المطبخ اذا بغت تغير من عندها .اذا عزمت احد من عندها ..التلاجه تعبيها من عندها بمشاركة الزوج لكن هي بعد ما تقصر .اذا بتسافر تذاكرها وتذاكر عيالها من عندها بيقلها الزوج ما عندي وماني ملزم اسفركم .. المعلمه تتمنى تجلس بالبيت مدلله كل طلباتها تجي لعندها زي باقي الحريم …تقولون ما حد قلها تشتغل.تقعد بالبيت ..طيب اذا كانت بنت في بيت اهلها وجاتها الوظيفه ما بترفضها …واذا متزوجه وراتب زوجها ضعيف او مقصر بالصرف بتوافق على الوظيفه وتستمر لين يجيها راتب تقاعدي ..حرام تدرس كااام سنه وتستقيل ويضيع عليها راتب التقاعد …و في رجال حقانيين يصرفون على البيت وزوجته تصرف على الي قلته سابقا ويقول (زين على الاقل كفتني وفكتني من طلباتها وطلبات العيال )…شوفوا الخبر الي توه نازل بمزمز …الي طلق زوجته السعوديه عن طريق الواتس وتزوج مغربيه ..لو هي موظفه كان كفت اهلها نفسهاوعيالها مصاريفهم وطلباتهم ..الوظيفه ضمان للزوجه من الازواج الي زي هذا ..المثل يقول (اهلك يبغونك غنيه )عشان اذا رجعتي لهم ارمله او مطلقه ما راح يتحملونك والصرف عليك ..ما عد احد يتحمل احد الحين
انا استغرب كيف حكمتي عليه انه مقصر معها وان الخطا منه!
انا لم اتهمها قلت ربما تكون هي من وصلته لهذا الامر.
ياكثر الي شايفات انفسهن ع ازواجهن بسبب هالوظيفه ..
طالعه داخله واكثر وقتها يمكن بالمولات وفرفره بالاسواق
والسبب معروف ﻷن معها فلوسها ولا احد يقدر يمنعها ..ان ماوداها زوجها عادي تاخذ سواق وتمشي فلوسها معها !
وكثير من اﻻزواج عانو من هذا الشيء .. وان كانت هي كذلك فتستاهل انه طلقها ، واذا هو اخطاء بحقها وظلمها فالحمدلله ان الله فكها منه ..
وقلت ايضا ﻻ اعمم على الكل فهناك ازواج متراضين ومتفهمين
وعايشين حياه حلوه.. الفلوس ماهي كل شي ، فهذا توفيق بالاول والاخير من الله عزوجل .. وياكثرهن سون نفس طريقتها وتحسفن بعد مده ويبكن قهر مانفعوها الي يصفقون لها.
ماتسمعين بالمثل الي يقول الفلوس تغير النفوس الله المستعان
وهي ماقالت ان هذا الزوج مقصر معاها .. لكن تحدثت عن ظروف كثيييير من الموظفات .. وقد تكون الزوجه منهم .. عموما الي تحس بالامان مع زوجها مو شرط الغنى فلا وظيفه ولاشي في الدنيا يخليها تضحي بزوجها ..اذا عاشت مستوره ومبسوطه و كل واحد من الزوجين هدفه اسعاد الاخر والله ليسعد هو بالاول .. لكن اذا فكر كل واحد كيف يسعد نفسه اولا عمرهم ماراح يسعدو ولا يعيشو مستقرين .
وانا ايضا اتحدث عن حال كثيررر من الرجال.. وقد يكون الزوج منهم ويعاني من هذه الزوجه !
ع العموم انتي قلتيها اذا كل واحد همته نفسه اولا
فلن يستقرو ويسعدو .
وش ذي الغباء تتخلين عن حياتك وحلمك عشان رجال هو اصلا لشافك متخليه عن الاشياء اللي تهمك راح يكون اول من يتخلى عنك…الوظيفه سندك طول العمر ومضمونه بإذن الله…اهتمي بنفسك وحلمك يهتم فيك…
المرأه بطبعها ناكره للجميل وتاريخ البشر يثبت ذلك ، ونكران الجميل هو نتيجه للنسيان ، لذا النسيان رحمه ، باليل يغضبها وبالنهار تنسى وتصفح عنه .
بالنسبه لهذه الصفه من المُعيب اطلاقها على الجميع..لان الناس صفاتها تختلف عن بعضها فلا يصح ان اقول كل النساء سيئات او كل الرجال سيئون.. والناس معادن.. فلا تتحدث عن تاريخ قد احضر لك تاريخ مثله او اسوء عن الرجل..لكن انتهى عصر المناطحه “النساء صفاتهم هكذا و الرجال صفاتهم هكذا” و ننسى انهم كلهم بشر فيهم السيء و فيهم الجيد.
اختي الرجل جاحد والمرأه ناكره والفرق ان الاول يفعل ذلك لانه ظالم ، والثانيه تفعل ذلك لانها تنسى ، كلاهما فيهم سيئاتهم وحساناتهم والموضوع ليس بمقارنه لان كلاهما جزء لايتجزأ من الاخر .
الحمدلله ان هنوف ردت قبلك رد يثلج الصدر ويشرف ..
انحلت المشكلة بموت زوجها ..
اهلك يبونك غنية ..
لو تطلقتي او صرتي ارملة ما احد يتحملك ..
ما عاد احد يتحمل احد ..
امانة هذي ردودك !!؟ اعانك الله ع نفسك واعاننا عليك
فعلا من خلال ردودها عرفت انها ماديه بحته .. تفكر ان الفلوس كل شي.. وحاقده ع الرجال بسبب قصه سمعتها!
الله يعينها ع نفسها صحيح
عنتر..و..مجرد راي ..انا ماني ماديه ولا حاقده على الرجال ..بس تخيلوا لو عندكم بنت ما ودكم يكون عندها شهاده او وظيفه عشان لا سمح الله بعد ما تتزوج يمكن ما تتوفق مع زوجها ..على الاقل تضمن شي بيدها الوظيفه وراتبها …شي محزن ان الواحد يحكم على احد وهو ما يعرفه ..استغفر الله العظيم .
لا تفسر على كيفك واضح انه مريض ولا الظاهر انها كانت تطالبه بشغاله عشان تكفيها وتقدر هي تشتغل ، ليه تحط الغلط عليها تجزم ان الرجال هو الي على حق ؟ والضعيفه واضح انها فرحانه
انت جاهل او تتجاهل !
انا ماجزمت، كل ردودي قلت ربما يكون هو مخطيء وربما تكون هي مخطئه .. وانت ليه تحط الغلط عليه وتقول واضح !وتتهمه أنه مريض ؟!
هل انت عايش معهم وتعرف حياتهم ! انا تكلمت عن بعض النساء
ولم اعمم على الكل ولم اجزم بشيء ..وايضا ربما يكون هو مقصر معاها زي ماتقول .. نحن هنا ﻻنجزم ولانتهم احد بشيء .. فلا تتهم الرجل وانت ﻻتدري عنه ! باﻻخير هذي امور شخصيه
ﻻنريد ان نتناقش وندخل فيها تجنبا لسوء الفهم والمغالطات والتشكيك بالناس..
والخبر من اساسه اصلا ماله داعي واستغفر الله العظيم .
انا مثلك مستغرب يوم ان ما يبغاها معلمه ليش يتقدم لها
انا اتوقع انه كان يبي منها فلوس متزوجها طمعا براتبها وقرض 300 الف ريال
صايره موضه هالايام عند منعدم الرجوله
يمكن يبغاها تطلب قرض من البنك و تعطيه الفلوس و لما رفضت يبغى يهددها و يحرمها من انها تشتغل رفضت
فهنا تكون ذكيه انقذت نفسها و افتكت منه قبل ما تتورط بقرض يقص الظهر
و الزوج بداله زوج اخر لو تبغى
كل الشباب خاصة صغار السن يبحث عن معلمه ليتزوجها و ما يهمه شكلها او عمرها
اهم شيء انه عندها قدرة ماليه تصرف على نفسها و تفكه من مصاريفها
( لان انا اسمع اغلب المشاكل الي تصل للقضاء و بالبنوك من هذا النوع
و للأسف اغلب الزوجات ترضخ و تعطيه القرض فوق 300 الف ريال
ثم يتركها و يروح يتزوج و يسكن زوجته الجديده بفلوس الاولى
اما يعلقها و يرفض الطلاق الا برد المهر يعني خلع او يطلقها اذا خايف من الاستدعاء كل شوي للمحكمه
و ترفع عليه قضيه بس القانون لا يحمي المغفلين )
اذكر قصة زوجه بالخبر جابها زوجها للبنك مضروبه شين وقوي عين يبي البنك يحولون الفلوس الي بحسابها لحسابه لانها رفضت و اعتدى عليها و قالوا له قسم الرجال انه عند القسم النسائي و لازم الزوجة
يوم دخلت الزوجه القسم النسائي و هي كانت بحاله ما يعلم فيها الا الله اوهموه انه بتحول الفلوس لحسابه
لكنهم استدعوا الشرطه لسجنه بقائمة طويلة من التهم
( وانا كنت مستغرب من اني اشوف هالمشهد بمدينة الخبر لو بالقصيم او الجنوب او احد القرى المتخلفه كان بلعتها لكن بالخبر !!! كانت صدمه لنا صراحة )
انا اشوفه تخلف وهذا غير انه حرام الاحتفال بـ الاشياء الي تغضب الله ، ابغض الحلال عند الله الطلاق ، وذي تحتفل ! انشهد ان ما يسوي ذي الحركه الا صغار العقول ، ومهما يكون في داخل الشخص من فرح ، ما يحتفل بـ اشياء تغضب الله ، عندها سجاده تروح تصلي وتحمد ربها ، وتطلب ربها يعوضها بـ الي افضل منه !
جداً تخلف هالحركات ذي وهو الكسبان بـ طلاقه ، الي يحتفل بـ اشياء تغضب الرب ، ما اتوقع انه يستطيع تربيه اطفاال بـ شكل سليم و بالطريقه الاسلاميه ،،،،!
من قال لك انها تبغض الله ؟ الطلاق ليس حرام ، من الواضح ان زوجها ما متشدد ومتخلف لدرجة جنونيه حتى رأت ان الطلاق كالجنه ، خلوها تفرح ليه حاسدينها ؟
يااخي لن احكم على الزوج لانه لم يذكر عنه شي كافي ولكن هل سلوك هذه المرأه يبدو متزن لك ؟
يااخي من واقع تجربه و واقع معاشره بعض النساء تريد فارس احلام راكبا على فرس ، وتريده جميلا كمهند ، و عاشقا كروميو ، و قويا كرامبو ، وراقصا كسلمان خان .
يارجل ان التلفاز يقتل عقول ابناءنا وبناتنا ويجعلهم منشقين عن واقعنا .
نشكر قناة كل الجرب MBC على مساهمتها في ذلك
غريب تصرف الزوجة المطلقه
عادة ما تحط المطلقة حفل
الا اذا كان خلع !!!
لاحراج الزوج امام الناس بانها رجعت له المهر لكي يطلقها و تفتك منه و من مشاكله
واذا كان زوج هالمعلمة طلقها بينعرف من وثيقة الطلاق
و راح يكون احراج لها و لاهلها بعد هالحفله لانه هو طلقه على ايش تحتفل فيه
و بالخبر كاتبين انه خيرها بين الوظيفه او هو و بيتها حسب ما فهمت
و عليه الجمله الي كاتبين بالمقال خطاء
“بأن مواطن خير زوجته المعلمة ما بين الطلاق أو الوظيفة مما اضطر المعلمة إلى تفضل الوظيفة على زوجها وقبولها بالطلاق”
يعني هل هو طلقها ام هي طلبت الخلع ؟!
“”””””””””
لا تستغرب هالي يعملونه البنات بالاجيال الاخيره
فقناة mbc ليست فقط المذنبه عندنا
وزارة الاعلام بدول الخليج خاصة السعودية الي ما غير تحجب مواقع بدون سبب وجيه عن داخل السعودية بحجة عدم تسجيلها ضمن الوزارة و تاركين هالبلاوي بهالقنوات تعرض ليل نهار بدون مراعاة للوقت وجود الاطفال امام التلفزيون
و وزارة الشؤون الاسلاميه ايش دورها لوقف نشر هالتفاهات
بالتلفاز و الاذاعه و الانترنت
هيئة الامر بالمعروف و النهي عن المنكر بالسعودية و شرطة الاداب بمصر …. الخ
و عندك ادارة عربسات و نايل سات ليش ما يوجه لهم تهم بالاهمال
فيه نظام عالمي لتصنيف المحتوى لماذا لا يطبق عندنا بالسعوديه
على القنوات الفضائية و بيع الافلام و الالعاب و المطبوعات … الخ
فمثلا تصنيف G ممكن يشاهده او يلعب فيه اي شخص
PG تصنيف للتوجيه و الارشاد الابوي و يكون له وقت محدد للعرض
PG-13 تصنيف يجب تواجد ارشاد ابوي و لعمر فوق 13 سنه بعد الساعه 8 مساء
للساعه 4 فجرا فقط
R تصنيف للبالغين فوق 17 سنه و يكون مراقب من الابوين و يكون العرض بعد 11 مساءً وقبل 3 فجراً
اما تصنيف M او 18+ هذا المفروض ما يعرض بقنوات مفتوحه مثل MBC
لكن مع هذا نشاهد عنف و اللفاظ بذيئة و مشاهد مخلة بالاخلاق
“””””””
لا تنسون انه من وقت الملك فيصل بالستينيات و حتى قبل حادثة جيهمان اول الثمانينيات
كان يظهر بالتلفزيون هالمغنيات و المذيعات متزينات و غير محجبات
و مسلسلات و افلام مصرية مخجلة
و كان قليل الي عندهم التلفزيون
لكن العقلاء اعترضوا على ادارة التلفزيون السعودي في ذاك الوقت
وكان يقال لهم الي ما يبي لا يضع تلفزيون ببيته وسجنوهم
و طلع لنا بذاك الوقت جيل الاولاد بالستينات و السبعينيات
كان يضرب فيهم المثل بكثرة الفساد
تزوجوا و انجبوا
الي نشوفهم و نسمع و نقرأ عنهم هالبنات بالواقع تعلموا هالشيء و تجرأو
لانهم شاهدواالذكور بالعائله خاصة القدوه الاب او الاخ او العم او الخال يعملون هالشيء من قبل 20 – 35 سنه و حتى الان
لما يقارن زوجته بالمذيعات و الراقصات الي يشوفهم و يطالب زوجته تصير مثلهن
امام الاولاد و يستهزيء في امها كل ما جلسوا امام التلفزيون
فأيش تتوقع بيطلع تربيته ؟!
لان اباها وهو ما يستوعب اثر فعلته على اطفاله
زرع فيها انه المذيعات و الرقصات نموذج يحتذى به من يوم هي طفله صغيره
بتطلع بنته بنت القبايل مغنيه و رقاصه و مذيعه و ممثلة مثل الي كان يقارن امها فيهم
و بتسوي عمليات تجميل و تلبس باروكه و تصل شعرها و تركب رموش و عدسات ملونه و تنمص الحواجب ….. الخ
و تتعلم فن التمايع امام الرجال علنا
فلا تستغرب هو فن يدرس بدول اجنبيه كثيرة اشهرها فرنسا و كثير من مذيعتنا و ممثلات و مغنيات دخلوا فيها
و تشوف كثرة المعجبين الخليجين الدلوخ الي يلاحقونهم
و ما يهم من وين تجيب الفلوس هالعمليات و الزينه و الملابس الفخمه
و المكياج بتجيبه من اي رجل يزني بها و يصرف عليها كعشيقته لفتره
مثل ما تعمل هالمغنيات و المذيعات و الرقاصات
إذا كان رب البيت بالدف ضارباً ..
فشيمة أهل البيت كلهم الرقص
ثم و بعد حادثة جيهمان عرفوا غلطتهم انه اهمالهم لملف الزينه المبالغ فيها و التعري و تعليم على الفساد بالتلفزيون و الاذاعه و المطبوعات
اثرت سلبيا على المجتمع خاصة شريحة الاطفال و الشباب
ثم مرت 15 سنه لمنتصف التسعينيات كانت نوعا ما منغلقه لكن بسبب ان الاباء فاسدين اخلاقيا تعلموا منهم اطفالهم
ثم من 1995 و لحد الان تربيه دشوش “القنوات الفضائية”
و من 1998 و لحد الان تربية الانترنت المفتوح
و من 2010 و لحد الان تربية وسائل التواصل الاجتماعي
صار الاطفال يثقون بغريب لا يعرفونه يستشيرونه بكل امور حياتهم ب
هالمواقع و البرامج التواصل الاجتماعي
يعلمهم الدين و الاخلاق حسب ايدلوجيته
و للأسف الاب و الام غافلين عنهم
طبعا مع هالانفتاح الغير مراقب و لا مقنن ماينفع ابعاد الاطفال عن الانترنت و القنوات الفضائية
لكن لابد من تنبيهم و يكونون التعليق على ما يشاهدونه لتصحيح المفاهم
الي هو التصنيف للمحتوى المرئي و المسموع و المطبوع بكل قنواته
كلام رائع جدا وتسلم اليد اللي كتبته ، وردك لو طرح على لجنه مكونه على مجموعه من الزوارات لعجزوا عن فهمه والسبب عجزهم عن تحديد التحديات اللي يواجهها الشباب لان الاجيال عندنا للاسف تعاني من انفصال الهويه وسوء غرس العادات والتقاليد وتوريثها بين الاجيال القادمه .
ماتتحدث عنه امريكا بمؤوسستها الاعلاميه والترفيهيه استغرقت العقود لكي تنشأه وت طوره وتطبقه ، اتمنى ان هذا الموضوع يأخذ بجديه تامه ويتم التعامل معه بمصداقيه لان صلاح البلد من صلاح افراده .
الاخ قال تغضب الله ، وانا فهمت من كلامه انه لايتحدث عن الطلاق وانما يتحدث عن التبذير ، وليتها تصدقت فكان افضل لها وبميزان حسناتها .
الطلاق ليس حرام..خلطت بين الامور..و لا احد يعرف اسباب احتفالها.
تذكرت مقاله للكاتبه القطريه وداد الكواري تقول فيه (بعض المشاكل لا حل لها الا بالموت ) وذكرت قصه واقعيه لمعلمه خيرها زوجها إما أن تترك الوظيفه أو يطلقها ويحرمها من اطفالها ..وهي لا تريد ترك الوظيفه لانها بالاساس ليست مرتاحه مع زوجها حتى تستغني عنها من اجله وكثير ما يعنفها وكانت وظيفتها والراتب ضمان جيد لها ولاطفالها ..واصبحت المسكينه ليلتها تتقلب بالفراش ولم تنم وباتت مهمومه تلك الليله تفكر ماذا تفعل وهو يريد الرد غدا ..وعندما بان النور وظهر الصباح اتجهت لزوجها توقظه من النوم ليذهب لعمله …ولم يتحرك ..وجدته ميت !!!سبحان الله ..حلت مشكلتها بموت زوجها !!!
مسكينة شكلو منشف ريقها كان
لا هذي اصبحت موضه للبنات لتجنب شماته صديقاتهن
يعني شوفوني فرحانه وانا ابي الطلاق وهي من داخل تتقطع
وحتى لو هو منشف ريقها ما توصل فينا الامور لنحتفل بأبغض الحلال عند الله
امسك سجادتي واركع لله شكر ابرك واستر من هالحركات
وووالله لو فيه ١٠ بنات مثل تفكيرك كان جيلنا هذا بخير
اشكرك الف مره ع هالرد
واشكر امك الفين مره ع تربيتك ?
مشكور اخوي فواز ما عليك زود ربي يحفظك
الحمد لله يوجد الكثير فيهن الخير لكن للاسف التصرفات السلبيه
لفئه قليله من البنات وخاصه في مواقع التواصل الاجتماعي تؤدي
الى انعدام ثقه المجتمع بالفتيات (ان خلييت بلييت )تحياتي لك .
عزالله انك صدقتي
الله يكثر من امثالك..
مثلك هن من تربين على الخلق الموافق للفطرة والاسلام ..
بوركتي أبنتي هنوف..
وإذا عُرف السبب بطل العجب !
كلامك صحيح بارك الله فيك اختي الكريمه
جزا الله والديك الجنه ع تربيتك الحسنه
والله صدقتي
اعرف وحده كانت مثل حالة الاخت وقت مانكون جنبهاتقعدتقول ماابيه وهوالخسران وتبين انهافرحانه
لكن لمن تكون لوحدهاواتصل عليهاتجلس تبكي
ولمن نقلهاليش متقلبه تقول بس قدامهم عشان لايقولواعلياضعيفه
قلنالهامحدحينفعك اختاري القراراللي يصب لمصلحتك بغض النظرعن كلام اللي حولك
قد تكون مخطئه باحتفالها و قد تكون محقه.. يبقى الامر حريه شخصيه و لها اسبابها فلا احد يعلم ما هي الاسباب.. اما بالنسبه لجملة انها تتقطع من داخل!! لماذا؟ يا عزيزتي الآن اصبحت الوظيفه هي الاهم اما الرجل فقد يأتي بدلاً عنه آخر..اما مسئلة يخيرها بين رزقها و بينه فلم ارى امرأة اختارت الرجل و عاشت هانئه الا ما قلَ و ندر..و احتفالها قد يكون لاسباب نجهلها.. اتركوا الناس تفرح وتعيش بدلاً عن الهم والنواح الذي لا فائدة منه.
دام تقولي الوظيفه اهم من الرجل!! اجل ما في داعي تتزوج دام توظفت ولو كل بنت رأيها مثلك محد تزوج لا يا عزيزتي الرجل اهم اذا قادريصرف على بيته ويعاملها بما يرضي الله وش فايده عندي وظيفه ويوم اكبر ما عندي ابناء او رجل سند لي بعد الله الاهل ما يدومون والوظيفه ما تدوم الدايم الله مصيرها تتقاعد وتجد نفسها وحيده وفاتها فرصه الحصول على زوج وابناء هل تعلمين في نساء تدفع ثروه كبيره في مقابل وجود رجل بجانبها او طفل لرغبتها في الامومه وفي حريم اختارت الوظيفه عن الزوج وفي النهايه وحيده كلن لاهي بحياته وعائلته ومحد درى عنها وهي تندب حظها اما بالنسبه لاحتفالها تخيلي لو عندهاابناء وش شعورهم يوم يشوفون امهم فرحانه لانها تخلصت من ابوهم هذا يقلل من قيمه الاب لديهم وغير كذا هي احتفلت على الملأ وليس بينها وبين اهلها كانت المصيبه اهون وكلامي انها تتقطع من الداخل الي ما عجبك ما في امرأه في العالم حتى لو زوجها نذل تفرح بلقب مطلقه لشعورها انها فشلت في بناء اسره سعيده على الاقل هذا تحطيم لاحلامها وخيبه امل لها من تجربه الزواج .
بس بعض الحريم الله يهديهن ياخذن هذه المساله تحدي وليس ضروره لتمشي كلامها عليه وفي النهايه يا يرضخ لها ا او يطلقها .
واخيرا ملاحظه ردا على كلامك الرجل بداله رجل اعتقد انتي عندك الرجال مثل الفستان تبدلينه وقت ما تبي ✋?
كفو والله انك بنت رجال كفيتي و وفيتي بيض الله وجهك يابنت الاجراد
كلامك كلام العاقله بارك الله فيك
كلام جميل لاتعليق صراحة علا الموضوع افضل من موجز تعليقك
من اجمل لحظات الرجل ان يستمع إلى امرأة ذكية … و الهنوف واحده منهن . فعلاً استمتعت
فعلاً الطلاق صعب ع المرأه ماراح تاخذ الا متزوج
أنشهد انك بنت رجاااااااااال
الحمد لله والشكر الناس تدور الستر والعفة وهذه تحتفل بطلاقها… ولافي
تقدير لزواجها وزوجها كأنه لعبة باقي تحتفلين بأيش عقول فارغة
الحمد لله والشكر الناس تدور الستر والعفة وهذه تحتفل بطلاقها… ولافي
تقدير لزواجها باقي تحتفل بأيش.. مسخرة