انتشر مقطع فيديو لتكسير عدد كبير من الجوالات، أكدت الطالبات فيه أن ذلك حدث داخل جامعة بيشة إذا ضُبطت بحوزة إحداهن داخل الجامعة، من قِبَل مسؤولات الجامعة، وقبل ذلك تفتيش ما تحويه هذه الجوالات، وأن ذلك يُعَدّ انتهاكاً صارخاً لخصوصياتهن؛ على حد تعبير الطالبات.
وقالت الطالبات: إن الجامعة تمنعنا من إحضار الجوالات الذكية أثناء الدوام الرسمي؛ بينما يُسمح للمحاضِرات والإداريات وحارسات الأمن والمراقبات والعاملات بالكافتيريا؛ فما سبب هذا التمييز بين منسوبات الكلية؟وأضفن: “لو كان الهدف من ذلك هو الحفاظ علينا ومنع تسريب صور الفتيات؛ فلماذا لا يُمنع الجميع من حمل الجوالات الذكية التي نشاهدها في أيدي الجميع داخل الكلية عدا الطالبات؛ فنحن لا نأمنهن كما أنهن لا يأمننا؛ أم إن الطالبات هن المتهمات الوحيدات في التصوير ونشر الصور؟
أردفن: “نحتاج الجوالات؛ فأحياناً يُطلب منا بحث عن شيء أو واجب أو عمل ولم يوفروا لنا أجهزة؛ مع العلم أنها موجودة؛ ولكنها خلف الأقفال”.
عرضت الشكوى على الدكتور غرم الله العلياني عميد شؤون الطلاب والمشرف على إدارة الاستثمار والمتحدث الرسمي لجامعة بيشة الذي قال: “أفيدكم بأنه حتى تاريخه لم يصلنا ما أشرتم إليه، كما أحب أن أطلعكم على أن اللوائح التأديبية لطلاب وطالبات الجامعة تعمل وفق سياسة التعليم، وهناك لجان تأديبية مختصة تُقرر العقوبة المناسبة لكل مخالفة تُخِل بلوائح وأنظمة الجامعة؛ وفق لائحة تأديب الطلاب والطالبات المعتمدة”.
وأشار إلى أن جميع منسوبات كليات البنات يُحظر عليهن نظاماً حمل أجهزتهن النقالة خارج مكاتبهن؛ حرصاً على سير العمل، والمحافظة على بناتنا الطالبات؛ شاكراً لكم اهتمامكم، وأثق أن ذلك نابع من حرصكم على بناتنا وأخواتنا الطالبات بحسب موقع”المواطن”.
هذا غير جائز لانه هدر للمال
مهما كان المنع لا يصل للاتلاف
يؤخذ الجوال من الطالبة وتعطى انذار واذا تكرر الموضوع تفصل فصل دراسي
والجوال لا يتلف بل يكتب فيه محضر ويسلم لولي الأمر بعد التعهد منه بعدم تكرار ذالك من الطالبة او يحق للكلية مصادرة الجهاز
واذا تكرر تفصل فصل دراسي ويصادر الجوال وتباع الجوالات المصادرة في السوق ومن ارادت مسح مافيه من معلومات يحق لها وان لم تأتي فالجامعة غير مسؤلة
وقيمة الاجهزة تكون للجامعة
النظام واضح و صريح
ممنوع ادخال جوال بكاميرا للاماكن النسائيه
و الاجراء نظامي متبع بكل المنشأات الجامعيه للبنات
اغلب الاتلاف لاجهزه بكاميرا
و انتهاكاً صارخاً لخصوصياتهن هي الي تجيب جهاز بالكاميرا للجامعه
ما اشوف بالاتلاف جوال كشاف او اي من موديلات نوكيا بدون كاميرا
هذا النظام مطبق على الجميع
سواء للطالبه او الموظفه
اذا فعلا احد منسوبات الجامعه طلعت امام الطالبات جوال كاميرا يحق للطالبات رفع شكوى عليها
بالنسبة للاتلاف الجوالات المضبوطه
فيه فتره محددة من ضبط الجوال مع البنت
فالمفروض هالطالبه الغبيه تبلغ اهلها و توقع هي و ولي امرها تعهد انه ما تكررها و يستلم ولي امرها الجهاز
واضح انه ما بلغتهم و لا وقعت تعهد و تم الاتلاف فهذا غلطة الطالبه و تتحمل المسؤوليه لانه ليست بطفله فاغلب الطالبات اعمارهم فوق 18 عام
فيه نظام محدد يتبعونه بادارة الجامعه
اما تلزم فيه و تتجنب المشاكل
او تتحدا النظام و تتحمل المشاكل الي بتجي براسها و تتعامل معهم باخلاق عاليه و تعتذر و توقع التعهد مع اهلها و تستلم الجهاز
نجي للملاحظه الثانيه بالفيديو هذا الفيديو واضح انه تجميع لكل الاجهزه التالفه من مده طويله
اكثر الاجهزه المتلفه من 2009 !!!
صحيح فيه ايفون جديد ب 2014
نجي للمطالبه بادخال الجوال الذكي
“نحتاج الجوالات؛ فأحياناً يُطلب منا بحث عن شيء أو واجب أو عمل ولم يوفروا لنا أجهزة؛ مع العلم أنها موجودة؛ ولكنها خلف الأقفال”.
الجامعه لم تمنع ادخال الجوال او التابلت الذكي بشرط انه ما فيه كاميرا اما تشترينه بدون كاميرا او تشترين بكاميرا و تشيلين الكاميرا و تجيبين كفر له من دون فتحة الكاميرا و تخطرين ادارة الجامعه بهالشيء
نجي للنقطه الثانيه الواجب ال العمل غالب الاساتذه يعطونكم اكثر من يومين علشان تخلصونها اذا رحتي للبيت انجزي الواجب
و اذا تبغون اجهزه تستخدمونها بالبحث طالبوا بتوفيرها بالمكتبه مثل ما كل الجامعات تسوي
المشكلة انه الاجيال التاليه تهاونوا في هذا النظام
و راح يكون فيه خراب بيوت
فهذا النظام لم يوضع الا لدرء المفاسد
و الدليل كثره مقاطع لطالبات وهن ما عندهن علم بالتصوير
صورت داخل الجامعات و المدارس من قبل طالبات
و القضايا مثبته بالمحاكم
من ايام جوال النوكيا ب 2001 طلع التصوير و القضايا و الشكاوي تتكدس
و هالاجراء ما طبق على مستوى الدوله الا بعد دراسه و نتائج للقضايا بالمحاكم
اذا تبغين تدخلين جوالك عندك حلين
اما تجيبين جوال ثاني بدون كاميرا للجامعه و مكان العمل بالجامعه و المدرسة و المشاغل و الحفلات النسائية …. الخ
او تشترين جوال بكاميرا و تشيلين الكامير اما عن طريق احد اقاربك يعرف يتعامل معاها
او باحد المحلات المتخصصه و يكون فني الصيانه سمعته ممتازه و لا عليه شبهة او سوابق
يوم اختي بالجامعه كانت بتدخل بجوال بكاميرا للجامعه رفضنا قلنا لها ما نبغى مشاكل خذي معك نوكيا بدون كاميرا
مثلك مثل باقي البنات تشيلين جوال بدون
و قالت ابي ادخل بالبلاك بيري علشان مسنجر البلاك بيري
انا اشترت لها كفر بدون فتحة الكاميرا و فكيت الجهاز و شلت الكاميرا بنفسي
و خلينها بجوال بلاك بيري بدون كاميرا
الزبده الي يبي يتبع النظام بلقى له الف حل
و الي بيعاكس النظام لمجرد التحدي للانظمه و الرفض بينبح صوته بدون فائده
نحن بعد في جامعتنا شرات نظامكم ويصادرون التلفون وحتى في بعض الأحيان يوصل للإنذار وإذا تم التكرار يوصل للفصل
والله لو اني مكااتهم ماا اسسسكت الا وانا طالعه بتعويضض حتى ولو جوالي ما يعدي العششره ريال -_-
خيييرر الدنياا سايبه -_-
قوية كيف كذا
الله لايوفقهم
سلامات يكسرونها مفروض مثل ما قال باسم يسلمونها ولي الامر اما تكسير هذا اسلوب همجي
وانا ضد ان البنات يكون معاهم جوالات داخل الجامعه مفروض يكون فيه صناديق للأمانات عند حارسات الامن اول ما تجي البنت تحط جوالها واغراضها الشخصيه فيها
ما بتكلم عن التكسير لكن صدقني الكلام سهل بعض البنات الله يهديهم يصورون غيرهم حتى في الحمامات والدكاترة والبنات لما ترمس تقولك ما صورت شي تستحي تاخذ عنها وتشوف
الأهل كم بيشوفون ويراقبون
بعضهم بنفسي سمعتهم تقول بنتي تمد ايدها علي وتضربني هذي شو اللي بيأدبها فأصابع إيدك مب سوا فكيف بالبشر؟
هذا فساد وتجاوز صريح للنظام ! يسلم الهاتف لولي امر الطالبه ! ولايحق لااحد كسره الله يكسر يدين اللي كسره .
الغريب ان منسوبات الكلية مسموح لهم الجوالات ?
احتياج الطالبة لجوال اكبر بكثير من احتياج ادارية في مكتبها يتوفر تيليفون و جهاز كمبيوتر !!!!!
على الرغم من تأييدي لحمل الطالبات جوال و استنكاري السماح للمنسوبات بحمله
الا انه الخبر أورد انه نظاما ممنوع و يحق لهم تفتيش الجوال
لكن كسره بدون سبب يذكر هذا تجاوز و تطاول
اتفق معاك هذي المره ..