أظهر مقطع فيديو معلماً يضرب طلابه بعصا غليظة داخل الفصل الدراسي، وذكرت مصادر أن الواقعة حدثت بإحدى المدارس التابعة لتعليم المخواة بالباحة، فيما لم تعلق إدارة التعليم بالمحافظة على الفيديو.
وأظهر مقطع الفيديو المعلم وهو يضرب عدداً من الطلاب داخل الفصل بعصا خشبية غليظة دون أن يبدي الطلاب أي رد فعل، فيما ذكرت “سبق” نقلاً عن مصادر لها أن المعلم يعمل بإحدى مدارس مكتب الحجرة بتعليم المخواة بمنطقة الباحة، والتي اعتذرت عن التعليق على الحادثة.
في السياق ذاته، تداول مغردون على مواقع التواصل الاجتماعي مقطع الفيديو على نحو واسع واختلفت آراؤهم حول الطريقة التي استخدمها المعلم مع طلابه، حيث أيد بعضهم ما قام به المعلم معتبرين أنها طريقة ضرورية تربوياً، فيما رفض آخرون ذلك وأكدوا أن العنف ليس أسلوباً جيداً في التعليم.
https://www.youtube.com/watch?v=D6y463cRJzQ
يا كثر قولة احنا زمان انظربنا وانظربنا وطلعنا عباقرة ومخترعين
صدق جهل وعباطه
المفروض هذا يفصل من عمله ويجازى
وكل المطبلين والمؤيدين للظرب لو ان واحد من عياله ظربه اللي المفروض يكون مدرس تلقاه يروح المدرسة ويدوس ببطنه ويشتكيه بعد
ولو هالبغل احد ظرب ولده في مدرسة ثانية تلقاه مثل الثور الهايج يبي حق ولده ويبي تعويض ويبي ويبي …
بس الظاهر ان المؤيدين يا انهم حقودين على الطلاب او انهم انجلدوا من قبل وودهم ان كل الطلاب ينجلدون
هذا زمن غير زمنكم يا شياب
اجل نفس العملية المفروض يسمحون للدوريات والمرور يطاردون المخالف في الشوارع ووسط الحواري
قمة الغباء والتجرد من الانسانية ولا عشانه كبير وبغل يستقوي على الطلاب الضعوف مهما كان خطأهم اخلاقي فصله وعنده اهل يربونه او جنائي في حكومة تربية
الله المستعان
شكلهم شباب
وطفشواوجننواالاستاذ
وهوماله حيله الاضربهم
لانه حيربي مين ولامين
لوكانوااطفال قلناحرام ولاطلاب مؤدبين
لكن مشاغبين ويقلواادبهم ع معلمهم كل مايجيهم ذنبه ع والدينهم
يربوهم كانهم بهايم ويعلموهم عدم احترام الناس واللي اكبرمنهم
فيطلع الواحدمايحترم احد
اذابعض الاباء هويعلم ولده يجنن الاستاذويقله سوي اللي تبي واناابوك
بالضبط التربيه تبدأ من البيت واذا كان الوالدين
همج ويضربون هذي النتيجه ما يسمعون الكلام
الا بالضرب المفروض يكون عقابهم خصم درجات
او اي عقاب بعيد عن الضرب الي اصبح عذر
عشان يفرغ ضغوطه وغضبه ع هذولا البزران
اي والله
المفروض
نسمع من معلمين ابوه يقله خله يخصم من اليوم لبكره
ويجي الولدعقله كبيرع معلمه مره يسحب الكرسي
ومره يخرج بدون اذنه ومره يضربه اويكسرسيارته
ووصلت فيهم يهددوه بالسلاح
فهاذول والله حرام حرام تلاقيه متبلد بعضهم يهجدهم الضرب وبعضهم ولاشي
نحتاج لقوانين للطلاب المخربين او المتمردين
يكون لهم عقوبات من تنظيف مدرسه للسجن
اذا كسر او خرب او تعهد وابوه يتحمل مسؤلية افعال ابنه والمفروض يكون فيه مشرف اجتماعي يتفاهم مع الطالب يشوف
الأسباب الي خلته بهذا الشكل واذا عنده
مشكله يحلها له لأن هذه المرحله جداً مهمه
ومصيريه اذا ما يلقى الولد الا الضرب
بيتمرد اكثر وبيسوي مشاكل .
الضرب وسيلة الجاهل و من لا حيلة له اذا كان الطفل
ينضرب فالبيت عشان يتربى وينضرب فالمدرسه يكبر
وينضرب من الشرطه اذا مسكوه مسوي مشاكل وش
بيغدي هذا كل من شافه لطش فيه وحده من ٢ اما يطلع
معقد او مجرم الي بيجيب عيال عشان يمارس عليهم تربية
العقاب الجسدي لا يجيب هذولا امانه يا اما تكون قدها ولا
لا تجيب الى متى هذا التفكير الجاهل الطفل من صغره وش
ما عودته عليه بيتعود اذا عودته ع العقاب الجسدي بيتعود
يصير عدواني مقهور ما يسمع الكلام ويستجلد مع الوقت
ما يحس جسمه بالضرب وتضطر تستخدم آداة للضرب
عشان يتألم ويجيب نتيجه …… صار تعذيب وبيستمر
وهذا الي تسمونه تربيه ( تعذيب وقهر ينتج عنه حقد وعدوانيه)
تقولون الضرب يطلع رجال الا والله يطلع مجرمين
ومعقدين نفسياً عالم يمارسون الضرب لمجرد انهم انضربوا
توارث للهمجيه والجهل والتعذيب الجسدي والنفسي،
ياعمي فيه ناس يربون عيالهم بدون ضرب ومهذبين كيف يجي حيوان زي هذا ويمد ايده عساه الكسر مالقى من يكسر
راسه بالعصا ويحرول رجوله يستقوي ع بزران الجبان الواطي كل واحد يمد ايده ع الي اضعف منه
جبان و واطي سواء يمدها ع طفل ولا إمرأه ولا حتى رجال
ماعنده لياقه للمواجهه والي يقول يستاهلون وهذي تربيه
يبيله من يعلقه بالسقف ويطيح فيه تلسيب بالعقال وضرب
بالعجرا الين ينظف من غبار افكاره القديمه .
للاسف كله يعودللوالدين
اذاعودوهم ع الضرب وانهم بهايم
كل من جاء لطشهم
والسبب اهلهم
لكن لونشى في بيت يغلفه الاحترام حيتعلم الاحترام
هوذنبه انه تربى ع الضرب
واهله محاسبين عليه
لكن المعلم حيقول ايش بيدي الولدطول لسانه ويده علي
ومتربي ع الضرب فلازم اضربه عشان اهله يشوفواوش نتائج تربيتهم
صح السانك
والمعلم اكيد تربى ع الضرب وصار هذا اول
ما يفكر فيه لأنه يبحث عن تفريغ لغضبه وعقده
النفسيه حتى لو الموضوع ما يستحق الضرب
ممكن يعاقبهم بطرق ثانيه لكنه شخص سادي
يبي يتلذذ بالضرب جايب عصايه غليظه !!!
هذا رئيس عصابه ماصار معلم لا بارك الله
فيه .
الله المستعان والله انك صادق
هاذالساته طيب
والله بعضهم جلد وتكسيرعظام تقول ملاكم
لانه ع قولك هوكمان تربى ع الضرب
فليش يتعب نفسه هاذي اسهل طريقه لكنهامدمره
صحيح الطرق الاخرى يبغالهاطولة بال لكنهاتؤتي ثمارها بعدحين يتعبواالوالدين اوالمعلم في البدايه لكن بعدين حيرتاحوا وحيبنواجيل محترم
والله يا اختي لو كل والدين ربوا اولادهم
تربيه صحيحه ماحد بيتوارث الضرب
صحيح
صارالضرب وراثه
ولمن تقله غلط يقول اناتربيت ع كدا
طيب انت تربيت غلط واحناشايفين قدامنا
نتائجها
عقول مبرمجه ما يبي يكلف ع نفسه ويطور
من تفكيره واسلوبه فالتربيه .
والله فكرتهم واقفين بجنب سيارة الدفاع المدني
ههههههههعهه
من كثرالضرب
من ينتقد الضرب (المعقول كعقاب لحالات معينة من الطلاب) فيجب ان يزور المدارس ويجلس مع الطاقم الاداري ويسمع قصص الف ليله وليله والاهوال التي يفعلها هذا الجيل عند ذلك فل ينّظر ويقترح ويستنكر او يؤيد
عندك بالبيت الاخوان وهم اخوان مو زي بعض في منهم يقر ويعقل بنظره ومنهم يجي بلطافه والكلمه الحلوه ويخجل من نفسه ويقر ومنهم ما يجي الابالشده والضرب ..الطلاب كذلك ..بعضهم ما ينفع معاه اي عقاب الا الضرب الغير مبرح ..اذا درى ان في عقاب شديد بيلقاه يخاف ويختشي على قولت المصريين ..كلن وشخصيته وله طريقه بالتعامل معاه ..
اخت حلا تفاجئت بتأييدك للضرب ما توقعتها منك
ابد ( مبرح ولا غير مبرح ) كله مرفوض، الطفل ع
ماعودتيه اذا كان يهمك طفلك يكون له شخصيه
مميزه تقرأين كتب او تشوفين فالنت كيف تربين
الطفل وكيف العقاب المناسب وكيف تنمين مهاراته
واكثر …. لكن الضرب حتى وان كان غير مبرح
تدمير للذات وينمي صفات سلبيه غير حميده
مثل الكذب الخداع الخوف القهر العدوانيه وغيره
طيب ليش ما تجربين وسيلة العقاب النفسي
كالحرمان من شيء يحبه مثلاً هذا بدل الضرب
والله اتكلم عن تجربه لأفراد من عائلتي اطفالهم
وحتى الي صارو مراهقين قمه بالتهذيب وجاب
نتيجه فعلاً ، لكن كيف بتعرفون اذا ما حاولتو
ولا فكرتو فتغيير هذا الإسلوب البدائي .
للامانة يحتاج طلابنا وطالباتنا الى اكثر من عصا غليظة لاسباب لا حصر لها ولا عدّة …
اتركوا التمييع الطاغي للشعب المؤدلج على الانجرار مع الجمع …
يابن الحلال هذا الي طلع الرجال ، وبعدين هذا تسمه ضرب ولا تلميس .
اجل الي كانو يسوونه فينا اول ايش اسمه ارهاب .