جريدة الرياض تنشر فتوى قديمة تعود لعشرات السنين حفظت للمرأة حقوقها الإسلامية – منقول بواسطة مجموعة مزمز:
استقصت «الرياض» تاريخ الفتاوى لعلماء أجلاء في ما يخص المرأة ، على أثر نشر الفتوى التي اعترضت على عملها في وظيفة «كاشير»، ليتبين وجود فتاوى سابقة لم تحرم مهنة البيع للمرأة في سوق يعمل فيها الرجال والنساء.
وتنشر “الرياض” في ما يلي نص فتوى تعود إلى عشرات السنين للجنة الدائمة للبحوث العلمية والإفتاء صادرة برأي فقهاء لهم مكانتهم الكبيرة، وهي نموذج لمواقف شرعية تذكرنا منذ زمن بعيد بتواجد المرأة في مواقع البيع والشراء. وطبعاً حسب ظروف وامكانيات زمننا القديم.
الفتوى:
“سئل أعضاء اللجنة عما يلي: عندي زوجة وترغب أن تزاول البيع والشراء يوم الخميس في سوق يجمع الرجال والنساء، وهي محتشمة فهل يجوز لها ذلك؟
فأجابوا: «يجوز لها أن تذهب إلى السوق لتبيع وتشتري إذا كانت في حاجة إلى ذلك، وكانت ساترة لجميع بدنها بملابس لا تحدد أعضاءها ولم تختلط بالرجال اختلاط ريبة، وإن لم تكن في حاجة إلى ذلك البيع والشراء فالخير لها أن تترك ذلك». انتهى.
من فتاوى اللجنة الدائمة ١٣/١٧.
اللجنة الدائمة للبحوث العلمية والإفتاء
عبدالله بن قعود – عضواً
عبدالله بن غديان – عضواً
عبدالرزاق عفيفي – نائب رئيس اللجنة
عبدالعزيز بن عبدالله بن باز – الرئيس
منذ 4 سنوات
اولا لااجد مايمنع عمل المرأه في حدود والذي يضمن سلامة وضعها0هنا نجد المراه تبيع في بعض المباسط بجوار المساجد والاسواق وتبيع الرجال بمختلف الجنسيات0 سؤال للجميع لماذا نحن هنا بالسعوديه بالذات نصور المرأه السعوديه بأسوء صوره كأنها شيطان اذا نزلت سوق العمل بانها سوف تبيع وتبيح المنكرات 0 يااخواني المرأه السعوديه افضل واحسن من الغير وبدون تحديد0 اعطو النيه الحسنه ولاتسئوؤ الظن هولاء جزء منأ هنأ امهاتنا واخواتنا لنقف معهم ولنرشدهم للصواب اذا راينا الخطأ 0 ماتلقاه بعض النساء من البائعين الوافدين شئ اغرب وافظع ولكن حيائهم احيانا يجبرهم على السكوت0 لنكون بجانبهم وارشادهم وتوجيهم بواجبات واصول وشروط العمل0 الله يحفظنا جميعا0
مانبي كاشيرات ولا يحزنون اهم شي نبي اسواق نسائيه مغلقه مانشوف فيها خشه رجال ملينا منهم غربلونا نبي ناخذ راحتنا
بعدين مااضن سعوديه تشتغل كاشير هزلت
بمحلات تجميل ملابس نسوان وهلم جر ممكن
خخخخخخخخخخخخخخ
الفتوى واضحه جداً وصريحه واتم اخذتو مجرى اخر
قال السأل : زوجته تريد تذهب لسوق الخميس تبيع
قصده هنا يعني تبيع قمصان سمن أقط براقع اي شي في سوق الخميس طبعاً كل ديره فيها سوق خميس
سوق الخميس فيها كل شي للبيع اغنام وملابس وكل شي
ويجتمعون بالاسبوع يوم الخميس كل واحد يجيب الي عنده ويبيع
هذا موضوع الفتوى
وانتم تبون تعملون في كاشيرات يومياً ومخالطه رئيس عمل اجنبي رجل وكل شي يومياً
انا ما أويد ان المراه تعمل كاشيره نهائيا
اويد انها تعمل بالسوق في محل ملابس نسائيه بحته فقط لاغير وهذا اشوفه حلو لهن . بعيد عن الرجال
سؤال بسيط مالفرق بين رجل يبيع للنساء ويختلط بهم وبين امرأة تبيع للرجال في حدود الحشمة والأدب والحجاب الشرعي؟
نريد جواباُ من الجميع ومن المفتيين الشرعيين على وجه الخصوص وشكراً
انا مو مفتي
و جوابي لك انه في نظري مافي فرق… كله مدعاة للرذيلة و الإنحطاط
المفترض الرجال يبيعوا للرجال و النساء للنساء.. أو النساء مع رجالهم يشتروا من الرجال.
والله اعلم
انا اشوف شغلت الكاشيرات مو لااقة في بناتنا لان جميع من دخل السبر ماركت يمرون عليهم ويتكلمون معاهم انا استحي اشتغل هذي الشغلة
الاجود لهن ان يشتغلن في محل بيع ملابس نسائية لو كانت في مجمع لانها ماراح تفرق كثير عن البسطات
وثمان وتسعين من زباينهم نساء
انا اشوف كذا احسن من كاشيرة والله ماارضا اختي او زوجتي تصير كاشيرة
شغلة ماتصلح للنساء لكن الاسواق الكبيرة الوسخة تبي الزباين ولما تكون فية بنت كشيرة حاجة غريبة بتلقاء الناس بس بيجون يشوفون وبكذا يكون تسويق ياناس اعقلو
وهذا اللي يخلي اختة تشتغل هذي الشغلة اقولة عيب عليك ليش ماتشتغل انت لو بتكسي وتحافض على محارمك وتوفر متطلباتهم
وماقول غير حسبي الله على من عطل اعيالنا عن العمل
كان تلقا هالبنات في بيوت شبابنا
الله يرحمك يا بن باز
و موتوا بغيضكم يا مرجفين
ايييي هذا الكلام السنع مو على طووول كل ما جابو شي جديد على طول حرموو طيب اول فكرو بعدين قولو اذا حرام ولا لا وانا مؤايده لشغل المراه كاشير لان مستحييل بيصير شي لان في ناس وفي سكيورتي
الخوف على المرأه من السكيورتي ومن الرجال اللي معاهم
يعني اذا قفل السوق للصلاة وش تبي تزين البنت وين تبي تروح اصلا اللي يشتغلون بالاسواق هذي ما يطلعون يصلون عاد لو صار فيه بنات وش يبي يصير والله ينامون بالسوق ما يروحون الا اذا راحت البنت
وحبيت اذكركم الحين الولد ما عاد يسلم من عيال الحرام اجل وش نقول عن البنت
والله احنا مانحتاج لفتاوى تبين لنا الحلال والحرام والاسلام كان واضح وصريح فيها
بعدين نساء الصحابة كانو يشتغلون والسيدة خديجةخير مثال
والاختلاط موجود من عهد الرسول
لااحد يقول لي انه زمن الرسول كان غير عنا
لاااااااااااااا
كان الزنا موجود والسرقات موجودة والفتن موجودة لانهم بشر مش ملايكة
بعدين اقول للي معترضين على عمل المرأة بأي مجال
انتو تطالبون المرأة بالاحتشام الخ والجلوس بالبيت الخ
ياناس هي حرة بقرارها
لو اختارت تحتشم او لا ربنا الي بحاسبها مب انتو
ولو اختارت الانحراف ربنا بيحاسبها
انتو تبون نساءنا ملايكة مايغلطون
او تبونهم مثل امهات المؤمنين طب صيرو قبل زي الرسول عشان يصيرون زي ماتبون
بعدين كيف تحاسبونهم عالاحتشام واغلبكم يقضي اجازة الاسبوع في البحرين وفي المراقص ولا قدام الافلام الخليعة ؟؟؟
واقول للي خايف نساءنا ينحرفون :
عمر بن الخطاب قال للصحابة :عفوا تعف نسائكم
يعني لو انت عفيف نساءك واهل بيتك رح يكون زيك والعكس
والي معترض نهائيا على شغل المراة وقام يتفلسف بكلامه اقول
رح عيش بكوكب خاص فيك وفك بناتنا من شرك
لاحظوا ان العمل ككاشيرات بنص الرجال اتوافق عليه بسرعة ونفذ اسرع بس اللي يبون الستر وبيع اغراض النساء من نساء ماتنفذ لييييه؟؟؟؟
عشان نعرف انه مو هذا اللي يبونه الوسخين الله يفضحهم دنيا وآخرة
شوفوا للنهاية 8 دقايق بس
http://www.youtube.com/watch?v=vMZ1FLqVENk&feature=player_embedded
آنآ آشوف الحرمه تجلس في بيتهآ آحسن لهآ ولعيآلهآ ولزوجهآ بسسسسرآحه مآآآلهآ دآعي تشتغل كآشيريه ولآ آي شغله ثآنيه مرررهـ مآلهآ دآعي
آمآ بنسبه للحرمه الي مطلقه ومقطوعه من شجره مآلهآ آحد آلله يخلي الضمآن الاجتمآعي شهريآ وسنويآ يدفع آلحمد لله على كل حآل آلله يخلي حكومتنآ
تحيآتي
( فتوى قديمة تعود لعشرات السنين )ودي اسأل قبل عشرات السنين كانت فية عباية فرنسية وعباية مخصرة وعباية ملونةوعبايات محزقة على الجسم.. طيب اذا مهتمين بقوة عشان تشتغيل البنات طالبوا بفتح اسواق نسائية ومطاعم نسائية ومجالات عمل كلها نسائي في نسائي عشنان يرتاح جميع الاطراف
وش فيها يعني اذا اشتغلت المرآة
افرضوا يعني كانت مطلقة من وين بتجيب فلوس تطعم اولادها
يا موقع مزمز يا حبيبي
اولا الفتوى من زماان ايام ما كانت المراة تستحى وتخجل من النظر الى الرجل ولكن الان المراة في مجتمعتنا زى الغرب بالتفكير والله ورسوله براءيين منهم الى يوم الدين
الله يستر على بناتنا
انا انصح اى شاب واى شابة لا تسافروا برره السعودية كفاية اللي جونا من الغرب وقلبو حياتنا وعاداتنا حتى نصبح مثل الغرررب تماما بعدها قلى من ينصر دين محمد عليه الصلاة والسلام
على العموم انتظروا الساعة انها اقتربت جداااااااااا
^^. لبى قلبك ونعم والله بك ,, تكفى حبي لي راس امك وابوك,,
صدق طلعو رجال ينشد به الظهر ,,
قبله على جبينك الله يحفظك يالغالي ,,
محبك
ادارة مزمز كل يوم تثبت اكثر انها مع الفكر التحريري البغيظ
لو انهم يخافون الله ما حاولو يظللون الناس بفتاوى لها عشر سنين او اكثر
صحيح ان مزمز مجموعه بريده و ترسل اخبار لاكن يجب عليهم مراعاة ما يرسلون من ابار و يعرفون تاثير هذي المعلومات على العامه
طيب ممكن تتأكدوا من الفتوى او اعطائنا رابط لها من مركز الأفتاء لأن هذا شي مهم.
انا اتمنى ان يكون هناك نساء في محلات التجميل والملابس الداخليه, الصراحه هذي
من اهم الوظائف الي لازم تتغير.
يؤؤؤ بيعي ياختي زي ماتبين بس البسي لبس محترم شوي لاتندمجي مع البيع مرره
وللعلم اكبر دييررره يتوااجد بها هالمناافقين لعنت الله عليهم هي ,,
,,,,,_____( جده , جده البلا جده الوساخه , جده قمت التفسخ ,,واللي مومصدق يرووح الفكر العلماني هناك متشعب وبكثرره ,,وكل هذا دعووه للتطور,, ياشباب حنا كل مالنا نرجع للوراء ,,اللحين الغرب خلاص حطو مداارس منفصله ,,
وهنا العلمانيين يبون الاختلاط ,, الاختلاط مووووضه قدييييمه عند الغررب هههههههههه ,, يعني شووفلوكم شي جديد ههههه ,,,_( : صدق شي يضحك ,,
تتكلم عن لاس فيغاس ولا جده ؟!!
قمة التفسخ والوساخة في راسك وفي تفكيرك
من جد كلاً يرى الناس بعين طبعه..
وجودك ,, اثرا الوساخه ,, لانك قليل ادب وحياء ,,
ولا مارديت بهالكلام القذر مثلك ,,
رح جده بنفسك وبتشووف ,, واقولك يالمالغ ,,
شف صور قديمه للسعوديه وشف الحريم كيف عفيفات وورهن رجال ,,
والحين الرجال صارو مثلك الله يصحلك ,,
صلي على النبي يا شيخ اشبك طرت فينا؟؟
جدة مدينة كبيرة و فيها ناس اي كلام ما قلنا شي بس برضو فيها الرجال الي ما يرضيهم اللف و الدوران و يمكن اكثر منكم..
احنا ما غلطنا على اي احد فلو سمحت لا تغلط على مدينتنا حتى احنا ما نرضى.
نحن لانقول ان المرأه لانريدها اتشتغل او تكسب المكسب الحلال ,,
,, لكن ياااااناااااس اصحوووو من سبااتكم ,,
,, ووالله انها فكرره علمانيه ,, وااااضحه وضوح الشمس,,
,, ياخوان ,, هذهي خلاصتي في الكلام ,
,,__( انا اووافق على السينما وش راايكم ,,بس فيه شروط وهذه الشروط هي غصبن عن كل مسلم ,,لانها من شريعتنا الغراء ,
يعني يجب على كل مسلم فعلها ,وقال تعالى __((واطيعوا الله والرسول ))_,وهو ملزووم عليك طاعت الله ثم الرسول,,
,,يعني اذا كنتو بتحطون سنما لاتحطونها بأيدي الخوونه اللي يخونون اولائهم وهو المناافقون لعنت الله عليهم جميعا ,
,, ووالله انهم بلوا علينا وعلى ولاة امرنا حفظهم الله ,,
,, هم.. يبوون السينما ,, بايدهم وليتهم يوقوفون عند افلام محدده ماافيه قلة ووالله ثم والله لو مايتحدو خطوطهم والامور اللتي استوجبتها الشريعه لنا لقلنا مرحى بكم ,,
,,لكن هم يريدون التفسخ , يعني اذا الحرمه تفسخت كذا تتطورنا ,,
,,حسبي الله عليكم ,
,, ومن ناحية موضوع التوضيف ,, انا مع هذا الحق للمراه ,,ولكن بشروط تستوجبها الشريعه الاسلاميه ,,وديننا الحنيف,, لاننا مسلمين ,
واللي يبي مثل هالمنافقين يكفر وبس ويخرج من المله وانتهينا وفكونا من شرركم يالمنافقين ,
,شرووط التوضيف ,,
__( ان يكوون السوق نسائي بحت بحت بحت بقدر ماتعنيه الكلمه واكثر ,,وانتهينا وشغلو كل البنات وشوتو الاجنيبيات اللي مسووين ززحمه ,,وانتهينا ,,اما اللعلماني الملعون يبي المراه بالواجهه عند الرجال يعني يبوون مثل هالحيونات هالغرب ماافيه الواحد عنده ولو غيره خفيفه ,,
عالعموم ,, انا اقولها وبملى في ولو كنت اكبر مقصر بينكم ,_( لاعزة لنا ألا بالاسلام ,,, وصلى الله وباارك ,
عجبي من اللي معارضين على عمل النساء ،!
المرأه تعمل في المستشفيات
المرأه تعمل في الشركات
ومع ذلك تحرمونها أكل عيشها بتعبها وعرق جبينها
دون الرضوخ للزمن وناسه البشعين ؟!
لا ومبسوطين على مقابلتهم للأجانب المتفاوتين ( التربيه )
خصوصاً في شراء ملابسهن الداخليه وغيرها ..
والله إنكم همج بمعنى الكلمه : ))
حبيب البي انت واياه لابد من عمل المره في مجالات تخدم فيها المرأه
نفسها
طيب انت ياللي تقول خل البنت تتستر في بيت اهلها
روح لاتخلي اهلك اخوات وامك ياخذون من بنقاله يبيعيون لهم ملابسهم واغراضهم
وحتى مالبسهم الخاصه
اي شي
مافيه نساء تبيع في محلات
ايش السواه برايك ؟؟
ايش رايك انت ؟؟؟
اذا المرأة ما عندها معيل لاي سبب كان
يحق لها العمل في شيء شريف من الطبخ والخياطة بالمنزل
الى البيع بأماكن نظيفة مرموقةامام اعين الناس
بحيث تلتزم بما يتوجب عليهامن ستر مفاتنها
تكتسب رزقا كريما شربفا من غير منة من احد
بدلا من الاندفاع الى البسطات والشحاذة والجمعيات الخيرية والضمان الاجتماعي اللي زي قلته والاضطرار لزواج المسيار لتغطية تكاليف المعيشة الاساسية
باختصار
لكل من يحب ان تكون المرأة للانجاب ليس الا يخليها بالبيت وهو راع ومسؤول عن رعيته والله يعينه ويرزقه
ولمن خاف على محارمه جور الدنيا فيعلمهم ما يحتجنه والله يعينه ويرزقه
بالتوفيق
ههههههههههههه بكره بيحرموها لان مسوين يوم اي ويوم لا لا تعليق
انا مااايد بيع النساء لان هذا يسبب فتنه
لانه كانت فتنة بني اسرائيل النساء..
هذا أنتم يالعالمانين ماتخلون البنت تستتر وأول من يدوور لها الفضيحه أنتم لو بكره بنت داومت بالكاشير لابسه لبس أو عبايه تجذب
ماخليتوا أحد في الأرض إلا دري عن هالعبايه وبعد يومين تسوبنها
طيب خلو بنت الناس في البيت
وانا مع فكره إن البنت تشتغل في محل كله نساء
بعدين اللي جاب الفتوى هذا والله العالم من صحتها
هدفكم واضح …
البنت اليوم تستحي وهي في الكاشير
بكره تدلع على زملائها
بكره يعلق الجهاز ويجي المشرف يضبط كل شي
وبعدها تطالبون ليش الحرمه مايكون دوامها لاخر الليل
وبعدها ليش مانحط حريم في الصيدليات
وبعدها ليش مانحط حريم في المقاهي خاص بالنساء
ويالله على الموال إلى أن يوصلون العلمانيه لاهم شي عندهم
وهو إن الحرمه السعوديه (( تسوق السيارة ))
أسف على الإطاله
و عشان لا أحد يتفلسف.
كلام صبااا مكه صحيح بالنسبة ليا من ناحية بيع الأغراض النسائية
نتمنى انه يكونوا الباعة و الإدارة نسائية بحتة.
مشكور اخويا لكن والله جد وما تكلمت من واقع تجربه ملموس الحمدلله مو حصل لي الموقف حصل لحريم وبنات على نياتهم وتلقاه هو نيته سيئه للاسف اش معناها يوم يقولي انا اعرف مقاسي والله عيب وحرام الي يسير من قلة ادب والوضع كل ماله يزيد
اضم صوتي لصوتك في مايختص ب الاندر وير المفروض يكون طاقم البيع نسائي في سوق نسائي
ياما صارت لنا مواقف محرجة من هالباعه اللي مايخافون الله
اما الكاشيرات في بنده وغيرها انا ماأيد ابد هالشي فالحلال بين والحرام بين …..
وهذا مدعاة للاختلاط اقلها لابد ان تكشف عينيها فعملها يتطلب ذلك وهذا يجعلها معرضة لنظرات الزبائن الحارقة…..
والنظرات سهم من سهام ابليس …
تقبلو مرووووري
«يجوز لها أن تذهب إلى السوق لتبيع وتشتري إذا كانت في حاجة إلى ذلك، وكانت ساترة لجميع بدنها بملابس لا تحدد أعضاءها ولم تختلط بالرجال اختلاط ريبة، وإن لم تكن في حاجة إلى ذلك البيع والشراء فالخير لها أن تترك ذلك» انتهى
الكلام واضح جدا ما شاء الله تبارك الله… الله يرحمك و يغفر لك يا شيخنا ابن باز و يرزقك الجنة و يرزقنا جيرتك فيها.
هيا اتمنى انه الكل ياخذ الكلام بمعناه و ما يستنتج من عنده عشان يبيح شي ما يرضاه الله.
و شي أخير للتوضيح فقط.
((وكانت ساترة لجميع بدنها بملابس لا تحدد أعضاءها ولم تختلط بالرجال اختلاط ريبة))
ككاشيرة بالطريقة الي تبوها.. لاحظوا الصورة هل ينطبق عليها الستر المذكور؟ و بالنسبة للإختلاط مع زملائها و ادارتها من الرجال.. ما يعتبر اختلاط ريبة؟ … اترك لكم الجواب
انصحكم ,, تتاكدو ,, من وين اخذو الفتوى ذولا ,
وللعلم ,, الشيخ العلامه , رحمه الله , ابن باز ,حرم ذالك لكن مدري من وين جابو الفتوى ,,
طيب يالعلمانيه واخرتها معكم ,,؟؟
,, ممكن سوال وش تحسوون فيه ,,؟؟
انتم تبوون بنات النااس تبيع , وكل هذا طريقكم الي فسخ حيااء المراءه ولاكن باسلوبكم البشع وهو التدرج قليلا قليلا ,,
مثل السنماء ,يققولون نبي نعرض افلام نظيفهم ,,
وماتدري بكرا يبدوون يعرضون اوسخ الافلام ,,
ياعلمانيين وياامنافقين وكلكم مثل بعض ماقول الا الله يهلكم ويرينا فيكم عجائب قدرته ,, صاار شركم اكثر من اليهوود ,,وتدسون السم وانت في الصحن ,,
معليش فديتك أنت منين جبت فتوى التحريم
الكلام الحين بتقنعوننا إن البنات كلهم متحشمات
كم وحده منهن راح تطق لك اللثمة والنقاب وتقابل الزباين
حتى الحريم إلي بالبسطات شوفهن جايبين شغالاتهم يبيعن ( الغالبية )
انا بحثت بموقع الشيخ عبدالعزيز بن باز ولم اجد شي
وعلى فكره الموقع يجمع اي شي عن الشيخ سواء صوتي او كتابي
يالله مره حماااس اول وحده ارد ههههههههههه<بتطير من الفرحه
بس الحمدلله انه حلال لان لازم المسؤولين بصراحهياخذون خطوه للامام
ونبي محلات الملابس الداخليه بالذات يبيعون فيها نساء ولا بنات لالالالالازم وباسرع وقت
ويشيلون الاجانب الله يقلعهم الي استحي اشتري من عندهم من بجاحتهم وجرائتهم
وبعدها ياليت حتى محلات التجميل يخلونها لنا احنا ادرى من الرجال الي يبيعون فيها
دخيلكم يا مسؤولين ترا ربي بيحاسبكم والله ع التحرش الي يسير والي ماترضونه على بناتكم
اتمنى بجد يلقى صدى كويس توظيف البنات بالذات في هذه الاماكن بالذات ولاحقين ع الكاشيرات
هذه اولى والله
والله انا من وجهة نضري اذا بيكون فيه نساء يبيعون..لازم تكون محلات نسائيه بحته
يعني ممنوع يدخل الرجل..او يكون فيه اسواق نسائيه متكامله..علشان الواحد يقدر يطمن على اهله
………….
اقتباس “وكانت ساترة لجميع بدنها بملابس لا تحدد أعضاءها ” >> شوفي الصورهـ اللي فوق وقيسي على سياق ذلك >>لا تعليق