منذ 9 سنوات
أعلنت والدة الطفل المصاب بالسرطان المثنى السويدان رفضها تقبل التعازي في ابنها، الذي أديت صلاة الجنازة عليه أمس الجمعة في المسجد النبوي الشريف بالمدينة المنورة، وتم دفنه بمقابر البقيع، فيما نعت الأم طفلها وقالت: “ربي لك الحمد كما ينبغي لجلال وجهك وعظيم سلطانك، الحمد لله أنني دفنته بالمدينة المنورة، الحمد لله، الحمد لله، الحمد لله”.
وأثناء حديث والدته لبرنامج “يا هلا”، قالت “أتقبل التبريكات والتهاني أن شرفني الله بأن يكون ابني المثنى شهيدًا مبطونًا بالسرطان؛ ولا يوجد عزاء، والتهنئة في ساحة المسجد النبوي الشريف”.
الجدير بالذكر أن المواطنة فاطمة الدوسري والدة الطفل قد ناشدت إنقاذ ابنها المثنى السويدان الموجود في مستشفى الملك فيصل التخصصي بالرياض،وقالت “ما زالت كلمات ابني تتردد على مسامعي (ماما ما أبغي أموت)، وحالة طفلي متدهورة صحيًّا وهو طفل ذو ٦ سنوات مصاب بسرطان الدماغ مع انتشار الورم في العمود الفقري، وأُدخل مرات عدة من قسم الأورام إلى العناية المركزة”، وفقًا لـ “سبق”.
فيما علق المذيع مفرح الشقيقي مقدم البرنامج قائلًا: “أرجو من كل المسؤولين أن يستمعوا إلى فاطمة الدوسري أم المثنى، ولا يُفلتوا أحدًا صغيرًا أو كبيرًا من العقاب، دم المثنى في ذمة كثير من الأشخاص والمسؤولين الذين يجب أن يحاسَبوا”.
الله يربط على قلبك يا بين الرجال و يعوضك خير في الدنيا والأخرة.. انشالله ولدك ينتظرك في الفردوس الأعلى.
فترتي قلبي الله يصبرك ويرحمه انشاء الله الله يكتب لك الاجر
ان شالله طير من طيور الجنة ، الله يجعله شافع نافع لاهله ، والله يصبرهم على فقده ويعينهم على مصابهم
الله يثبتها ترا المصاب جلل
الله يرحمه يارب ويغفر ، نسأل الله ان يتقبله من الشهداء ، ويجمع الابن بامه ويجمعنا معهم بجنات النعيم .
الله يرحمه ويربط على قلبج
الله خذ امانته وهو ارحم منا ومن اي شخص
لاحول ولاقوة الابالله. الله يصبرقلب امه ويعظم لها الاجر
الله يعظم اجرها و ياجرها في مصيبتها
مجرد عينة للي يقولون ما عندنا ظلم
تفقد ولدها بسبب نذالة طليقها !!!! يفترض انه دام الطفل في حضانة امه انها تكون موكلة قانونا بالتصرف في جميع اموره و استخراج تصريح السفر له !!!! الى متى هالقوانين اللي تفتح المجال لاشباه الرجال بابتزاز النساء و قهرهم بهالشكل ؟!
وان كان الطليق نذل . . المفروض أنه القاضي يرخص لها بالسفر ( فيه ضرورة والولي تعسف)
يفترض اصلا انه صلاحية استخراج اوراق الطفل تعطى للشخص اللي معاه الحضانة او في اقل الاحوال تكون لكلا الوالدين .. لكن التحلطم الان ما يفيد
ادري والله يصبرها . . بس استغربت عدم لجوءها للمحكمة للحصول ع اذن سفر لمعالجة ولدها !
محاكم الاحوال الشخصية تحتاج لوقت طويل جدا جدا حتى يتم الفصل في القضية قد يصل لسنوات
و المراة اجتهدت انها توصل صوتها للمسؤلين بكل الوسائل بس للاسف ما احد رد عليها
ما اضن السفر له علاقة بالطليق
هي لانها ام فتحاول تساعد ولدها بأي طريقة من ناحية العاطفة
يمكن انه الاب رفض يسفر ولده لانه المستشفى قاله انه حالة الطفل ما تسمح للسفر واذا سافر بيتحمل نتايج تسرعه
بعض الامور محتاجة رجاحه عقل اكثر من العاطفة
عندي طفل عنده ورم بالراس وعارفة معاناة هذي الحرمة وعارفة حجم التعب فالأم تفكر بالعاطفة والأب يفكر بعقله فقبل الحكم هذا قضاء وقدره ومكتوب من يوم انولد ورب العالمين اعلم وارحم منا كلنا
فالوحدة تقول الحمدالله وتستخير لو الله كاتب له انه يسافر محد يقدر يمنعها ولو تسدت كل الأبواب فهذا خيره له
والعبد مادام انه وكل أمره لرب العالمين بيرضى بأي شي كتبه له
مايحتاج معرف أشار للطليق والا انا ماعندي اي معلومة عنها . . من حقها تسوي كل شي واي شي عشان ولدها ولو كان الامل ١٪ المفروض أنه ابوه ولو مطلقها يسفر ولده ويروح به لآخر العالم لازم يسوي اللي عليه ويخليها على الله ! / الله يشفي ولدج ويريح قلبج يالطيبة
لا مب عكيف الام اذا الولد في العناية وطلعوه وصار له شي الاب يتحمل المسؤولية وهي عادي تلجأ وتعق اللوم عليه وهنا صدق بيكون ملام لانه طلعه من العناية وحالته ما تسمح للسفر
مثل ما اشرتي في ردج الاول : الوضع صعب ومانقول الا الله يربط ع قلبها
طلعت تفاصيل ثانية لهذا الخبر طلع الاب مطلوب ومسجون والأطفال ممنوعين من السفر بسبب ابوهم
يمكن خافوا انه الام تاخذهم لأماكن الصراعات اقل شي اخوانها أو جد اليهال هو اللي ياخذ الولاية
او هي تكون لها الولاية ع عيالها . . وفي هالحالة تحديدا يقدر القاضي يرخص لها بالسفر مع ولدها للضرورة !
فارس صعب خاصه انه زوجها من الإرهابيين اقل شي احد ريال من طرفها يكون وليها وولي لعيالها شرات اب الزوجة او اخوها
قبل فترة وحده خذت عيالها تقول تبي تمشيهم في أوروبا وغيرت وجهتها لسوريا
في النهاية بدعيلها الله ييسر أمورها ويشافي ولدها الثاني من السكري
شنو ذنبهم اذا ارهابي !؟ الله يصبرها ويعينها وعسى اهل الخير يوقفون معاها ولو بالكلمة الطيبة
مالهم ذنب
هي سالفتها معقده
الله يفرج عليها
امين
الله يشفيه ويعافيه ويفرح قلبك بشفائه. طيب الورم ماله علاج اواستئصال
آمين
اللي عند ولدي ورم حميد لكنه مغطي ثلاث ارباع الراس وصعب يشلوه فالحين صارلي تقريبا 6 شهور اعالجه وصار له جلطه في آخر عملية قبل كم أسبوع
الحمدالله على كل حال
ادعي ربك قادر ع كل شي. اسأل الله العظيم رب العرش الكريم ان يدخل عليكم شهر رمضان وابنك في اتم الصحه والعافيه
آمين الله يسمع منج سووما
ولدي صغير بعده ما كمل سنة وكم عملية سووا له
الله يكتب اجرك ويفرح قلبك بشفائه
نسيت اكتب احسن دكاترة جراحه اعصاب للاطفال موجودين في السعودية وانا بنفسي تلاقيت معاهم وكانوا من خيره الأطباء يعطونك حالة الطفل بكل شفافية والاعمار بيد الله وما هم الا وسيلة
الحمدالله
مدري بصراحة تعودنا نعالج أصحاب الامراض المزمنة والخطيرة بالمانيا وانجلترا ودول أوروبية اخرى / اطباء اورام مو اعصاب ؟
ادري واذا سألت احسن الدكاترة في ألمانيا هم سعوديين وحتى اللي موجودين في الخليج دارسين في دول أوروبية وبعض المستشفيات ييبون دكاترة من عده دول أوروبية فترة كاستشاري
أورام الجسم غير هذا في الراس و يحتاج جراح اعصاب أطفال لانه الورم يتداخل مع المخ واي غلط بيدمر الاعصاب ويسبب الشلل
انتم فاهمين غلط
الأطباء عندنا ممتازين
المشكلة بالمنظومة الطبية السعودية سيئة جدا
و سوء إدارة و فساد و بيروقراطية وزارة الصحة
عكس أوروبا و امريكا و اليابان المنظومة الطبيه ممتازه
من بداة التعليم و التدريب و جودة المخرجات و حسن الإدارة الفعالة
علشان كذا وصلنا ليأس تام من وزارة الصحة و ادارات المستشفيات السعوديه
و صار القرار بتحويل ادارتها للشركات الخاصة الاجنبية حسب تصريحات الوزير الجديد الربيعه
و ما حولوها الا انه مؤكد الشق اكبر من الرقعه و لا يقدر يصلح كل هالمشاكل المتراكمة
“و هو شر لابد منه ولازم مراقبته و ضبطه ”
وصار ما تفرق مع المواطنين
لانه خلاص وصلنا لحاله الله يعلم بها
قتل المرضى علنا لعدم وجود عقوبات صارمة
(الا الي عنده واسطة بالمستشفيات الحكومية بيزعل )
حلو . . هالتقدم الطبي مفخرة لنا والمملكة كاهي يمنا . . جزاج الله خير ع المعلومة ?
ما سافرت للمملكة لكنهم يون زيارة للمستشفيات عندنا واتابع ولدي معاهم وما شاء الله اسلوبهم وتعاملهم راقي وتشخيصهم دقيق
السعوديين أنفسهم يشتكون من واقع الصحة عندهم وذا اللي خلاني استغرب اعجابج وكلامج القوي عنهم !
يمكن تخصصات ثانية لكن لجراحه المخ والأعصاب كانوا سعوديين هم يشتغلون في عدة مستشفيات عندنا يكونون موجودين كم يوم ويردون السعودية
حتى في ألمانيا عندك كذا مركز للمخ والأعصاب فيه دكاترة سعوديين ما اعرف هل هم خلاص يشتغلون هناك او فترة بس
انصحج باخذ ولدج لمستشفى : دار الشفاء بالكويت . . فيه قسم لجراحة الأعصاب والمخ اللي حقق نجاحات باهرة ومشهود له بكفاءة الأطباء وباستعانته بالأجهزة المتطورة والحديثة ( مستشفى خاص)
مشكور
عندنا لهم فرع بسير وبشوف شو بينصحوني
الله يجبر بخاطرج اختي