*مقالة: خروف الهجاء
بقلم ماجد الدسيماني
• من جعل تكشيرة الفتاة “برستيج” بينما أبتسامتها ” قرّونه ” ؟!
• من يقرأ كتابا في ستاربكس “ملحوس”!.. ومن يمسك قلما ويكتب في بهو فندق “يتميلح” و”مسوي فيها ” !
• والذي يربط حزام الأمان ويلتزم بأنظمة المرور ” مصدق “!
• والذي لا يلبس الماركات ” قعيطي ” !
• ومن يحترم الأنثى “خروف ” !
• والمطوع ” إرهابي ” !
• حتى الموظف الذي يحضر باكرا ويبتسم للمراجع وينجز معاملته دون الحاجة لـ(جايك من طرف ابو راكان) فهو إما “سبيكة” أو “موظف جديد” أو “طاف بالوظيفة”؟!
* من حوّر ترجمة هذه المصطلحات العظيمة.. وحول الطيبة إلى دروشة! ، والإبتسامة ابتذال! ، والتواضع نقيصة ! ، والدين تهمة ! ، والتوفير بخل ! ، والشهامة نكتة وخيال علمي ! ، من قلب المفاهيم ؟!
* أهي جماعة سرية ” كافرة ” تعمل في الظل.. وتهدف إلى تدني السلوك والأخلاقيات العامة؟! أم انه عمل فردي نتحمله أنا وأنت!.. تتحمله نوف طالبة الفيزياء في جامعة الخرج.. يتحمله خالد عسكري المرور في حائل.. نواف موظف الأحوال المدنية بالرياض.. فيصل مالك مطعم المندي في أبو عريش.. تهاني معلمة اللغة العربية في الدمام.. ويتحمله كل زملاء ومراجعي وزبائن وطلبة من تم ذكرهم؟؟
* إنهم نحن !..
نحن الجاني والمجني عليه.. بضعف دفاعاتنا الفكرية والتحليلية للمواقف.. وخلو عقولنا من برامج مكافحة الفيروسات.. مما جعلها عرضة للإختراق من ” أزلب ” الفيروسات الفكرية !.. فارتكاب الأخطاء جبلة وطبع بشري منذ بدء الخليقة.. وسيدوم حتى قيام الساعة.. ولكن أن يتحول الصواب إلى خطأ.. وصاحب العيب إلى “ذيب”!! فهذه جريمة نمارسها كل مساء.. ونرضعها أطفلنا كل صباح.. مع سبق اللإصرار والترصد .. !
**همسة في أذن الخليجيين المهايطين:
ترى بيل غيتس من أغنى رجال العام يسافر سياحي مع انه يقدر يشتري شركات طيران مو بس يشتري طيارة خاصة،
ترى فيه رجال أعمال أميركيين ما غيروا بيوتهم وباعوا ماضيهم يوم صار عندهم المليارات ويتبرعون من أموالهم للخير مع انهم مو مسلمين اللي حتى الزكاة بعضهم الله يهديهم ما يطلعونها صح
*ترى جوليا روبرتس اللي تأخذ ملايين على الفيلم الواحد ما عندها شغالة تنام في البيت وهي اللي تربي اطفالها،
*ترى الملكة إليزابيث تطفى لمبات القصر علشان ماتخسر حكومتها!
Thank you for the article great frankness Majid Dezimani amazing piece of information I really like these words, good luck ..
فعلا موضوع غير في حياتي وفي مساري وقناعاتي
ما شاء الله كلام رائع ..ولكن اين العاقلون
شباب لاهيتهم الدنيا ..والغزو الفكري من الغرب
لا ينام ولا لحظة..ونحن ورائه سائرون….؟
ابسط الامور التي يمر بها شبابنا ..هي كرة القدم ..
مثال=موضوع مثل موضوعك انظر الى التعليقات
فقيرة ..وممله ..ولا يوجد بها اي معنا الا القليل القليل ..
اما لون كان موضوع عن مقطع عن هدف بين فريق ؟؟؟؟وفريق ؟؟؟
لكان عدد التعليقات وصل الى اعلى نسبة مشاركة ومشاهدة وتعليق ..؟
الا انها قمة الانحطاط الفكري وفي مجتمع مثل مجتمعنا الاسلامي
الذي اول كلمة نزلت في دستوره (اقرا)
آآآآآآآه؟؟؟آآآآآآآآآآه وآسفا …وآسفا
لو اردت ان ان اخوض في هذا الموضوع لما انتهينا
لانه موضوع خطير ..والحديث فيه يطول
ولكن اقول لك يا قارئ
عرف لي نفسك..!!
هل انت مسلم .. !!
ماذا قدمت لدينك غير الفرائض ..!!
هل تخاف الموت ..!!!
……(لماذا)……
سيبك من بيل غيتس والمكلة اليزابث وغيرهم تصديقا لكلامك اعظم مخلوق على وجه الارض سيدنا محمد صلى الله عليه وسلم كان ينام على الحصير حتى يعلم على جنبيه عليه افضل الصلوات واتم التسليم واحنا الان في الشوارع اذا كان الواحد يسوق سيارة قديمة تجد نظرات البعض له كلها ازدراء حتى انهم ما يحطونله الاولوية بالمرور هدانا الله
الكل يقول الغرب الغرب كل هذا بسبب بعدنا عن الدين فياليت كل انسان فينا يلتزم بتعاليم الله عز وجل ويطبقها على اهل بيته وسنة ورا سنة سنجد انسنا تغلبنا على الغرب بلا ادنى منازع باذن اله
نعم انا معك red rose
ولكن البعض منا لما يذكر الغرب ليس لرفع شأنهم ولكن هناك البعض منا من يردد قول الحمدلله اننا مسلمين
كل ماصار شي قال الحمدلله اني مسلم ووالله ان كل شي سيئ وقبيح يخرج منه فأين الأسلاام اذن
الأسلاام دين خلق وتعامل وليس ان نحمل منه الأسم فقط
فهؤلااء الغرب عندما نذكرهم فيحز بخواطرنا انهم يطبقون الأسلاام بحذافيره وهم لايمتون للأسلاام بصله
ونحن !؟!؟
الله يهدينا يااااارب
تدرون وش السبب الرئيسي في هذي العادات ؟؟تربية “بعض”الشيبان والثقافة الضحله >.. حقيقه العادات عندنا كانها وحي من الله ما تقبل التعديل .. يعني زمان كان فيه موظة الشنب!! والي يحلق الشنب مهوب رجال(معقولة!!).. اسالكم بالله متى صارت الرجوله في الشنب.!! والنبي -صلى الله عليه وسلم يقول-(اجزوا الشوارب و ارخوا اللحى خالفوا المجوس) .. يعني نستطيع ان نقول مخالفة شرع الله ..
نقطة للفائدة!! كان في عهد الملك عبدالعزيز حركة دينيه متشدده متشدقه”حركة الاخوان الاسلامية” لا تقبل المعارضه وهم اقرب بالخوارج من كثر ما يحرمون حطو السيارة بدعه والرادي حرام لانه يتكلم وهذا لا يجوز وخذ واغلط من الاحكام <<الحمدلله على نعمة العقل
فيه ناس الان مثله هذوله بالضبط ..
اختم اقول الان نحن في عصر انفتاح فكري ..والعاقل الحصيف قسطاس نفسه وهو يميز الصح من الغلط اما السفهاء (البله) الي مع الخيل يا شقرا هذوله الي يمشي على حسب كلام الناس .. تحاتي للجميع
تحياتي لكم
محبكم
الخير في وفي أمتي الى يوم الدين (قول للنبي عليه الصلاة والسلام) وستلد امهات المسلمين اناس من أهل النصح والتوجيه والارشاد … لديهم الوعي وقول ما يجب ان يقال في كل زمان ومكان هم ليسوا انبياء ولاكن بفضلهم كادوا ان يكونوا كذلك …أخي ماجد استمر فبفضل امثالك ستتغير الامه…
كلام في الصميم
شكرا لكاتب المقال والحمد لله ان هناك اناس في الخليج العربي يضعون يدهم على الجرح العربي وهو الاخلاق والتي فقدناها الى الابد.
اقول لايكثر بس
خخخخخخخخ لا من جد رووووووووعه
جد جد لاتعليق ما اقدر ازيد عن الي قلته بس وييين الي يسوي احنا شعب بس قوول وين الفعل طيب ؟؟مع العصفوره .. والسموحه
الغرب يصنع طايرات وصاريخ والشرق الأوسط ضاع بنفطه ببلاشيلهم في صفحة العلم تاريخ نعيد النقاشي
تعديل ,,,,الغرب يصنع طايرات وصواريـخ
والشرق الاوسط باع نفطه بلاشي
حطو لهم في صفحة العلم تاريخ
وحنا بماضينا نعيد النقـاشي
مشكووووره على التصحيح ..
!!!
اصحوا يانايمين
بجد رائع جدا ومعبر واحلى مافي الموضوع التأمل في فقرة همسة في اذن الخليجيين المهايطين
(
**همسة في أذن الخليجيين المهايطين:
ترى بيل غيتس من أغنى رجال العام يسافر سياحي مع انه يقدر يشتري شركات طيران مو بس يشتري طيارة خاصة،
ترى فيه رجال أعمال أميركيين ما غيروا بيوتهم وباعوا ماضيهم يوم صار عندهم المليارات ويتبرعون من أموالهم للخير مع انهم مو مسلمين اللي حتى الزكاة بعضهم الله يهديهم ما يطلعونها صح
*ترى جوليا روبرتس اللي تأخذ ملايين على الفيلم الواحد ما عندها شغالة تنام في البيت وهي اللي تربي اطفالها،
*ترى الملكة إليزابيث تطفى لمبات القصر علشان ماتخسر حكومتها!)
• من جعل تكشيرة الفتاة “برستيج” بينما أبتسامتها ” قرّونه ” ؟!بعض الناس ما ينعطون وجه لذلك تكشر احسن , لا يفهمون غلط
• من يقرأ كتابا في ستاربكس “ملحوس”!.. ومن يمسك قلما ويكتب في بهو فندق “يتميلح” و”مسوي فيها ”
!اذا جلست في هذي الاماكن لا شغله ولا مشغله تمقل بخلق الله كانك مضيع شي في وجوهم.يكون شكلك احسن ؟؟؟
• والذي يربط حزام الأمان ويلتزم بأنظمة المرور ” مصدق “
!اذا انقلبت فيك السيارة وقامو الركاب يتحذفون من الشبابيك وينعفسون تحتها حينها تتمنى لو انهم ربطوك بجنازير بعد اسال مجرب .
• والذي لا يلبس الماركات ” قعيطي ” !
اللي يلبس الماركات واحد مقصه يدفع قيمة سلعة ما تساوى شيء اضعاف مضاعفة ويعبي ارصدة ناس عرفو يقصو على المخبلين.
• ومن يحترم الأنثى “خروف ” !
هالايام من الافضل تحترمهم ترى بعضهم يلعبون كراتيه وبتنطرك لا صرت بالزحمة وحينها بتتودس في بطنك واذا كان فيك شده رد عليها حينها يكثرون اصحاب الشهامة وبتاكل علقة مرتبة.أخ ياضلوعي
• والمطوع ” إرهابي ” هذي حسب الضروف ؟؟؟؟!!!!!!!
مقدر اقوول غير مميزييييييييييييين والله..
لاهنتوا
ملحق لما قبله حضرني بيت من الشعر بة اقول لتلك العينات من الناس
اتهزء من خلقي وخلقي ذاك ليل يغزو نهارا.
تحياتي للجميع
كلام جداا جميييييييل وراااااائع
حقيقة احيي مزمز على طرحهم لهذه الموضوع المتسبب بشرخ كبير في سلوكيات المجتمع.
حقيقة نحن فقدنا التمييز في تقييم الاشياء.لكن ان يصبح الشيء
المثالي غير مثالي.وحين يتعالى الخطاء على الصواب ويصبح اصحاب
الصواب مستهزئين من اهل الخطاء.فهذا يدل على خلل نفسي في تركيبة المجتمع لابد من اصلاحها بالوعي الفكري وهذا الدور الحقيقي للاعلام
الذي تركته منذ فترة طويلة لتغير قيمها واكثرت من الأسفاف واللغط فكثر المطبلين لها واصبحت مجاهرة رضخت لها قيمنا ومبادئنا
واصبح من لايشترك بهذا الهرج غير سوي.لكن لابد ان يسقط الخطاء يوما ما مهما جرى وهرول.فاالليل دوما يتلوه الصباح فيقظتن.
تحياتي للجميع
حلو الموضوع و كلو صح
الكلام 100%
هههه بس ما فهمت اش دخل الصورة !!؟
اخي الحبيب ماجد الدسيماني
ياريت نرتقي بهذا التفكير الجميل الذي يدل على ان الحياه سهله ومن ابسط ما تكون لانها بالاصل زائله
سلم الله هالانامل
وياريت تخص المهايطه بجميع مناطق العالم العربي مو بس الخليجين لان الحال واحد والفكر واحد
تقبلو مروري
اخوكم من سوريا
كلام روعهـ100%ــ
لو التجار يطلعون الزكاة كل سنه والله ما يبقى فقير في السعودية العالم الاسلامي , لكن ما نقول الا الله يصلحنا و يصلحهم
ابداع يا مزمز
bgtfc
ابدعت فيما كتبت ..
سلمت يمناك عزيزي .. ووفقك الله لما يحب ويرضى ..
مقالك رائع وأسلوبك أروع ثق بانك ان كتبت للعرب ستكون دوليا .
هذا هو الووقع :(
والذي يربط حزام الأمان ويلتزم بأنظمة المرور ” مصدق “!
• والذي لا يلبس الماركات ” قعيطي ” !
• ومن يحترم الأنثى “خروف ” !
• والمطوع ” إرهابي ” !
:( :( :(
السبب الذي جعل الغرب هكذا هو التزامهم بالمبادئ والقيم مهما كانت الظروف والأحوال .. وضعوا تحت ( مهما كانت الظروف ) ستين خط
وأحب أقول انو الواحد لازم يبدء التغيير من نفسه .. يعني لا يستخدم عبارات الاستهزاء على الناس إذا شافهم يقرؤوا كتاب أو يلتزموا بالقيام بببعض الأمور الجيدة .. ومن هنايكون التغيير الحقيقي
والله المستعان ..
شكرا للمبدع صاحب المقالة
كلام كبير وكله حكم ليت الناس تتعظ به ويتنافسو على فعله يسلم الى كتب المقال كله دوق
صـــدق الشقيري لماراح اليابان
وقال هناك شفت اسلام بس ماشفت مسلمين
وبلادنا اشوف مسلمين ولا شفت اسلام :(
كلام جميل ومقال رائع ومعبر الله يهدي الجميع لما يحبه ويرضاه ان شاء الله
هههههههه خبل هالكاتب بيل غايتس ماهو ماخذ فلوسه معه للقبر الحياه حلوه ليه دايم نظرة الي يسوي فاهم دايم يا اقصى اليمين ولا اليسار خلك وسط عندك فلوس عيش حياتك بس لا تزعط والملكة ماهو على كيفها غصب الحكومه لاعنه خيرها با القطاره تعطيها ( امحق كاتب )
ابداااااااااااع ياممزمز
مره استمتعت بالقرائه
تشكريااااااااااا
ونسيت انوه لنقطة مهمة , ترى الاعلان يلعب دور كبير , يعني مثلاً على التبرعات تشوفهم دائماً طالعين بالتلفزيون ويتفاخرون بهذا الشي , ممكن في اغنياء عرب يسوون نفسهم واكثر لكن بدون لفت انتباه لأن مايبحثون عنه هم حسنة من الله ومغفرة وليس جذب الانتباه .
سلمت يمناك , الله يهدي جميع المسلمين يارب على فع الخير , مقالتك تحمل معها كلمات رائعة تدل على الفرق بينا وبين الغرب , ما اتوقع في يوم من الايام بنوصل لـ 5% من الي هم يسوونه على الرغم من انهم لايمثون للدين الاسلامي بصلة , الا ان قلوبهم دائماً هي السباقة في فعل الخير .