تقدم مطعم وحانة Sunset Grill بسنغافورة، باعتذار لأحد العملاء وكافة رواده من كل مكان على رده الذي وصفه بـ”غير المناسب” عن استفسار لأحد زبائنه حول ما إذا كان المطعم حاصلاً على شهادة “حلال”.
وأثار الرد الذي اشتمل على التباهي بطهي الخنزير، وتأكيد أنه ليس في المملكة العربية السعودية، موجة غضب كبيرة على صفحات التواصل الاجتماعي، وواجهت إدارة الفندق اتهامات بالعنصرية وحملات للمقاطعة.
وقال المطعم خلال الاعتذار الرسمي الذي نشره على حسابه على موقع فيسبوك: “إنه نظرًا لتناول وسائل التواصل الاجتماعي ردنا على سؤال تلقيناه من أحد العملاء مؤخرًا “هل نمتلك شهادة حلال أم لا”، وأشعرنا الرد على السؤال “بأنه اشتمل على تهكم بشكل مفرط”.
وأضاف الرد وفقا لموقع عاجل: “كان ينبغي أن تكون الإجابة أكثر لباقة واحترامًا.. ولو كانت بسيطة بنعم أو لا كان ذلك سيكون أكثر ملاءمة”.
وتابع المطعم: “نعتذر عن أي إساءة للسائل ومواطني سنغافورة.. نحن لسنا عنصريين، ولا ننتهك أي دين، سواء كان إسلامًا أم مسيحية أم هندوسية”.
وكان المطعم رد على سؤال العميل عن شهادة الحلال بقوله: “مرحبًا، تشن، لماذا تسأل هذا السؤال، نحن هنا في سنغافورة ولسنا في السعودية. على أي حال، ستكون مسرورًا عندما تعلم أننا مطعم محب للحم الخنزير”.
منذ 4 سنوات
اصلا مكتوب على المحل مطعم وبار وانت رايح تدور اكل حلال يعني لو قال حلال ما اصدقه الي يبغى الحلال مايروح الاماكن هذي
وش وضع العلم الاحمر!
الكونفدرت فلاق ماله دخل بسنغافورا، هذا يرمز للحرب الاهلية بأمريكا والمؤيدين للعبودية من البيض! بمعنى اخر يرمز للعنصرية! ?
من جد , ايش دخل العلم بالسالفة !!!
رايح بار
وخايف ياكل لحم الخنزير اكل غير مذبوح عاطريقة الاسلامية
قلبك عامر بالايمان
المطاعم بالخارج فيها ساحة مطعم وساحة بار، لو رايح يشرب ماكان بيسأل اذا كان الاكل حلال ياكونان!
والله انتي ادرى بالمطاعم والبارات
بس الي اعرفة ان السفارة السعودية دايم تحذر المواطنين بالابتعاد عن الاماكن المشبوهة
والمطعم اذا على كلامك دام فيه بار يعتبر مكان مشبوه
ولاننسى التفجير الي حصل فتركيا في ليلة راس السنة فالمطعم الي كان فيه بار ومرقص
اذكر ان الناجين السعوديين ذكرو ان اول شي قاله لهم موظف السفارة اش جابكم للاماكن ذي
وفالاخر طلعوهم شهداء وهو رايحين يتعشو فمطعم فيه بار ومرقص وفليلة راس السنة
ربي يرحمهم ويتجاوز عنهم
ماتعوق معكم تقذفون احد انتم! ???
والبار والمرقص على قولتك يدخله اطفال ياكونان ومفتوح للجميع؟ ?
انت حتى الميتين ماسلمو من لسانك اعوذ بالله!
اجل على منطقك ذا اي شخص يمر جنب زجاجة خمر ذا فاسد حتى لو ماشربها!
الله يعينك على نفسك بس!
معليش ما ادري عمري ماسافرت برا ومنكم نستفيد
بعدين انا ماقذفت احد والعياذ بلله لا تجلسين تتهمين اناس عن جهل
اما الاموات قلت الله يرحمهم ويتجاوز عنهم
اما موضوع الشهادة فالله وحده هو الي اعلم اذا رح يتقبلهم شهداء ام لا
اما اني عامل نفسي معي صكوك استشهاد اوزعها عل كيفي
الرسول بنفسه لما امرءة قتل ابنها في معركة احد وقالت له هنيئا لك الشهادة
الرسول قالها ومايدريكي
فمابالك بالي يذهب لاماكن احتفال راس السنة الميلادية
واحتفل مع الي يقولون ان المسيح ابن الله
والله قال في القران الكريم
(وَقَالُوا اتَّخَذَ الرَّحْمَنُ وَلَدًا لَقَدْ جِئْتُمْ شَيْئًا إِدًّا تَكَادُ السَّمَاوَاتُ يَتَفَطَّرْنَ مِنْهُ وَتَنْشَقُّ الْأَرْضُ وَتَخِرُّ الْجِبَالُ هَدًّا أَنْ دَعَوْا لِلرَّحْمَنِ وَلَدًا )
اما مثالك الي ضربتيه فهو غبي
فرق بين اني امر جنب قارورة خمر
وبين اني اروح مكان بيع خمر واجلس فيه
السفارة تحذيرها جدا واضح
الابتعاااد عن الاماكن المشبوهه حتى لو كان في قسم خاص
الله يكملك بعقلك يا بنت
المطعم اللي فيه بار مو مكان مشبوه لأنه للجميع والعامة تدخله، كونك تروح لمطعم وموجود فيه بار يعني ان الجميع يدخله من الاطفال الى كبار السن، وهذا في جميع الدول والبار يكون بزاوية خاصة مثل الفنادق اللي يكون فيها بار بالبهو لا يعني ان رواد الفندق يشربون خمر او ان الفندق مشبوه!
واللي توفو بأحتفال رأس السنة رايحين يتفرجون على الالعاب النارية مع اطفالهم وعوائلهم خصوصا ان المكان يطل مباشرة على الالعاب النارية!
اما انك تتكلم في الموتى وتقولي (انتي ادرى في البارات) وتدافع عن نفسك انك ماقذفت وانك بريء فأصابعك شاهده عليك!
يا اختي الله يحفظك
الحلال حلال حتى لو كل الناس اعتزلوه
والحرام حرام حتى لو كل الناس يعملوه
(وَكُلُّهُمْ آتِيهِ يَوْمَ الْقِيَامَةِ فَرْدًا)
ربي مارح يحاسب احد على حسب اذا الناس كلهم احتفلو وانا اروح معهم بحجة كل الناس تحتفل او ان الدولة سامحة بذا الشي وكل الناس تسويه
الله قال (وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلَا تَقْعُدُوا مَعَهُمْ حَتَّىٰ يَخُوضُوا فِي حَدِيثٍ غَيْرِهِ)
مافيه شي اسمه انا رايح تفرج احتفالاتهم بميلاد المسييح بس ومني مسويه شي
هذي مسالة عقائدية مفصليه وكثير من الشيوخ حرم ذا الشيء والبعض وصلها لتكفير من يقر او يحتفل معهم
مشكلة الناس تسافر برا وتنسى دينها شوي شوي
واذا رجع يتهم المحافظين بالتشدد والرجعية
ربي يحفظ لك دينك وديني ويرحم من توفى ويتجاوز عنهم
اضيف نقطة البار اللي يكون فيه مطعم بمعنى انه بالاصل ٨٠ او ٩٠ بار / ٢٠ او ١٠ مطعم هذا غير مفتوح للجميع ويجب ان يكون عمرك ٢١ او ١٨ حتى تدخله على حسب قانون الدولة وسنها القانوني. واللي يدخلها يكون لأجل الشراب فقط! وهذا مو وضع المطعم المذكور اعلاه ولا مطعم تركيا لأنه مفتوح للجميع.
في تركيا واكثر الدول الخمور موجودة في المطاعم فلا حاجة بانه يسمونها بار ومطعم . لان البار قسم خاص ولايوجد فيه ماكولات . اولا – يااخي خاف الله في انتهاك عروض المسلمي وبالذات الاموات منهم . ثانيا – اصبحنا كسعوديين من اكثر الشعوب تهجما وشتائم في جميع مواقع التواصل هذا احصائية والله ماهي من عندي ولا اعلم الى متى سنستمر بهذا الجهل والتخلف . الله يهديك ويصلحك
ترا حتى المراقص يكون فيها قسم مطاعم
اذا كان مكان فيه خمور الاولى اني ما ادخله درء للمفسدة الواحد مايضمن نفسه
والظاهر انت والاخت توكم تسمعون كلمة اعراض مسلمين و كلمة قذف ولا تعرفون معناها
انا ماقذفت احد ولا تكلمت في عرض احد ولا شتمت احد
قبل ما تتكلم اعرف معنى الكلام الي ناوي تقوله بعدين تكلم